اسلام آباد۔16 دسمبر (اے پی پی): مزن وزیر محمد شہباز شریف ءَ گوشت کہ آرمی پبلک اسکول ءِ واکیہ پاکستان ءِ راجدپتر ءِ تہ ءَ یک نا فراموشیں واکیہ یے سرجمیں راج بزدلیں ناشرکار آنی ھلاپ ءَ چو سیسہ ءِ دیوال ءَ اوشتاتگ۔ کارگس ءِ میڈیا ونگ ءِ نیمگ ءَ چہ شنگ بوتگیں مزن وزیر محمد شہباز شریف ءَ آرمی پبلک اسکول ءِ واکیہ ءِ دہ سال ءِ سرجمی ءِ سر ءَ یک پیغامے ءِ تہ ءَ گوشت کہ مرچی پاکستان ءِ راجدپتر ءِ تہ ءَ یک ناقابل فراموشیں واکیہ ءِ وھد ءَ یک سکیں مزنیں واکیہ یے ۔ دہ سال ءِ تاوان سرجم بوھگ ءَ انت، مئے دل غمگین انت ءُ ھون ءِ ارس گریوگ ءَ انت آئی ءَ گوشت کہ اے دل کشیں واکیہ ات کہ ایشی ءِ یات ءَ یک دہائی ءَ چہ مئے دل پریشان کنگ ءَ انت مزن وزیر ءَ گوشت کہ 16دسمبر 2014ءَ۔ بزدل، بے رحم ءُ زالمیں ناشرکاراں آرمی پبلک اسکول پشاور ءِ احاطہ ءَ داخل بوتگ ءُ 144 بے گناہیں مردمانی جان پہ ابد ھلاس کتگ۔ شہیدانی گیشتریں بہر کسانیں چُک اتنت کہ آہاں سک کسانیں عمر ءَ دنیا یلہ داتگ ات، آہاں گشتگ ات کہ آہانی زند، آہانی واب، آہانی اُمیت، آہانی آیوکیں باندات چہ آہاں زورگ بوتگ انت مزن وزیر ءَ گشتگ کہ ہچ وڑ ءَ چہ آہاں زورگ بوتگ۔ اے واکیہ ءَ پد وھد گوزگ ءَ اِنت، اے بے گناہ ءُ کسانیں چکانی جتا بوھگ ءِ ٹراما مٹ کنگ نہ بیت۔ اِے کسانیں چُکاں ہما روچ ءَ ناقابل برداشتیں زُلم ءُ زوراکی ءِ دیمپانی کُت ءُ شہید بوت اَنت۔ اے ھرابیں واکیہ ءِ تہا وتی نزیکیں مردم گار بوتگیں ھاندان ءُ مات ءُ پتانی غم ءُ رنج ءُ گماں ھچ وڑ ءَ کم کنگ نہ بیت آئی ءَ گوشت کہ راج ءَ را یات کنگی اِنت ک. آہانی وڑیں دگہ ناشرکاریں راج دژمنیں گلاں گوں مذہب ءُ ہچ وڑیں چاگردی قدراں ہچ سیادی نیست۔ درملکی راج دژمنیں عناصر ءِ گشگ ءِ سرا اے بزدل وتی ناپاکی ءِ مول ءُ مراد ءِ سرجم کنگ ءِ ھاترا بے گناھیں پاکستانیاں نشانگ جوڑ کن اَنت۔ سرجمیں راج اے بزدلیں ناشرکارانی ھلاپ ءَ چو سیسہ ءِ دیوال ءَ اوشتاتگ ءُ انشاء اللہ دیم ءَ ھم اوشتات کنت۔ءُ مئے سیکورٹی فورسز ءِ بہادری ءَ را شگر ءُ منت وار پیش کنت کہ انگت ءَ ھمک راج دژمنیں عناصر ءِ ھلاپ ءَ دلیری ءُ بہادری ءِ گوما جنگ ءَ اَنت۔آئی ءَ گوشت کہ… مرچی بیا اِت کہ ما یک پرامن ءُ ایمنیں پاکستان ءِ جوڑ کنگ ءِ جزم ءَ پیش بہ داریں، کہ اودا… ہچ بے گناہ ءَ پدا اے زلم ءُ زوراکی ءَ تاوان مہ رسیت، ہچ چُک ءَ ترس ءُ بیم ءَ وانگجاہ ءَ روگی نہ اِنت ءُ اے وڑیں ہر ناانصافی ءَ سکیں سزا دیگ بہ بیت۔ اے یک عزمے کہ مارا یکجاہ کنگی اِنت۔ ما درست اے واکیہ ءِ آماچ ءُ شہیدانی مدیون ایں کہ آہانی جان گار ءُ بیگواہ نہ بوتگ انت۔ ما کدی شموشت نہ کنیں۔ ما کدی معاف نہ کنیں۔
