پاکستان ءُ قازقستان ءِ نیام ءَ دیریں سیادی سرمایہ کاری ءُ بیپار ءِ دیمروئی ءِ بنیاد انت، عبدالعلیم خان

اسلام آباد۔14دسمبر (اے پی پی): بنجاھی وزیر مواصلات، نجکاری ءُ سرمایہ کاری بورڈ عبدالعلیم خان ءَ گوشت کہ پاکستان ءُ قازقستان ءِ نیام ءَ دیریں سیادی سرمایہ کاری ءُ بیپار ءِ دیمروئی، یکجاھیں راجدپتر، مذھب ءُ تہذیب ءِ دیمروئی ءِ بنیات اَنت۔ دوئیں ملکانی تعلقات ءِ دیمروئی ءِ تہا کلیدی کرد پیلو کنت۔ اے ھیالانی درشانی آئی ءَ پاکستان ءَ کزاکستان ءِ سفیر یرژان کستافین ءَ گوں گند ءُ نند ءِ ساھت ءَ کت۔ شمبے ءِ روچ ءَ وزارت نجکاری ءِ نیمگ ءَ جاڑی بوتگیں جار ءِ رد ءَ گند ءُ نند ءِ ساھت ءَ بنجاھی وزیر عبدالعلیم خان ءُ قازقستان ءِ سفیر یرژان کستافین ءَ پاکستان ءُ قازقستان ءِ نیام ءَ دو نیمگی کمک ءُ وت مہ وتی مفاد ءِ جیڈھ آنی سر ءَ گپ ءُ تران کتگ ءُ سرمایہ کاری، تجارت ءُ راہداری ءِ دیمروئی ءِ جیڈھ آنی سر ءَ تران کتگ۔ جیڈھ آنی سر ءَ چار ءُ تپاسی کتگ۔ گند ءُ نند ءِ موہ ءَ بنجاھی وزیر عبدالعلیم خان ءَ گشتانک دیان ءَ گوشت کہ یکجائی راجدپتر، مذہب ءُ تہذیب دوئیں ملک آنی نیام ءَ سیادی آناں دیمروئی دیگ ءَ کلیدی کرد پیلو کت کنت۔ بنجاھی وزیر مواصلات ءَ گیش گوشت کہ پاکستان ءَ احتیاطی حکمت عملی ءِ سبب ءَ بحران ءِ اقتصادی جاور ھال ءَ چہ دیم ءَ شتگ، معیشت ءَ را گہتر کنگ ءِ واستہ درملکی سرمایہ کاری پاکستان ءِ اولی ترجی اِنت ءُ پاکستان ءَ را درملکی سرمایہ کاری ءِ کمک ءِ واستہ گہتریں سڑک آنی بنیاتی ڈھانچہ ءِ ضلورت اِنت۔ عبدالعلیم خان ءَ گوشت کہ شاہراہ آناں گیش کنگ ءَ چہ پاکستان ءِ اقتصادی مراکز ءَ میاں اوستمانی ملک آنی رسائی گہتر بیت، ءُ پاکستان ءِ بندر آنی تہ ءَ میاں اوستمانی ملک آنی رسائی ھم گہتر کنگ بہ بیت۔ آئی ءَ گوشت کہ استیں جاور ھال آنی تہ ءَ پاکستان ءِ صنعتی پیداوار سینٹرل ایشیا ءِ ملک آنی واستہ جوانیں آپشن انت، صنعتی پیداوار آنی دیمروئی ءِ واستہ پاکستان ءَ ملک ءِ تہ ءُ ڈن ءَ ڈسپلے سنٹر جوڑ کنگ بنت ءُ درملکی کاروبار ءِ دست ءَ بنت۔ براہندگی. کزاکستان ءِ سفیر یرژان کستافین ءَ گوشت کہ پاکستان ءِ گوما جوانیں بیپاری ءُ ٹرانزٹ سیادی کزاکستان ءِ نپ آنی تہ ءَ انت۔