پاکستان ءُ ایشیائی دیمروئی بینک ءِ نیام ءَ یکجاھیں چاگردی رکھینگ ءِ دیمروئی پروگرام ءِ گیشیں مالی کمک ءِ واستہ 330ملین امریکی ڈالر ءِ وام ءِ منوگری ءِ سر ءَ دستخط کنگ بوت

اسلام آباد۔14دسمبر (اے پی پی): پاکستان ءِ حکومت ءُ ایشیائی دیمروئی بینک ءِ نیام ءَ یکجاھیں چاگردی رکھینگ ءِ دیمروئی پروگرام ءِ گیشیں مالی کمک ءِ واستہ 330ملین امریکی ڈالر ءِ وام ءِ منوگری کنگ بوتگ۔ اے پروگرام بے نظیر انکم سپورٹ پروگرام (بی آئی ایس پی) ءِ وسیلگ ءَ پاکستان ءَ چاگردی سلامتی ءِ نظام ءَ را مھکم ءُ گیش کنگ ءِ ھاترا اے ڈی بی ءِ کمک ءَ برجاھیں پروگرام ءِ بھر اِنت۔ اے منوگری ءِ سرا پاکستان ءِ نیمگ ءَ سیکرٹری اقتصادی امور ڈاکٹر کاظم نیاز ءُ اے ڈی بی ءِ نیمگ ءَ کنٹری ڈائریکٹر ایما فن ءَ دستخط کتگ۔ وزارت اقتصادی امور ءِ نیمگ ءَ چہ جاڑی بوتگیں جار ءِ رد ءَ اے موہ ءِ سر ءَ سیکرٹری اقتصادی امور ءَ ادارگی ظرفیت ءَ را گیش کنگ ءُ وانگ ءُ زانگ ءُ جان سلامتی ءِ آسراتی ءَ را گہتر کنگ ءِ ھاترا ھاسیں رنگ ءَ زالبول، نودربریں جنک ءُ کم آمدنی ءِ ھاندان ءِ زھگ آنی واستہ اے گپ ءِ سر ءَ زور پر دات۔ رعایتی قرضہ ءِ وسیلگ ءَ اے گیشیں مالی کمک ءِ سرا زور دیگ بوتگ۔ آئی ءَ اے درگت ءَ اے درگت ءَ برجاھیں کمک ءِ سر ءَ اے ڈی بی ءِ ھم منت گپت ایشیائی دیمروئی بینک ءِ ملکی ڈائریکٹر ءَ چاگردی سلامتی ءِ جال ءَ را مھکم کنگ ءِ واستہ پاکستان ءِ حکومت ءِ کمک ءِ واستہ بینک ءِ عزم ءِ سر ءَ پدا زور دات۔ آئی ءَ گوشت کہ اے گیشیں مالی کمک ءَ چہ پروگرام ءِ مول ءُ مراد آنی سرجمی ءَ کمک رسیت ایشی ءِ تہ ءَ ھواریں دیمروئی، گریبی ءِ کمی، دیمروئی ءُ میاں اوستمانی تبک ءِ آبادی ءِ واستہ جان سلامتی ءِ آسراتی ءِ رسائی ھوار انت۔ آئی ءَ گیش تران کت کہ اے وام ءِ منوگری ءِ سر ءَ دستخط کنگ پاکستان ءَ چاگردی سلامتی ءِ نظام ءِ تہ ءَ گیشی ءِ واستہ یک ھاسیں گامگیج اِنت۔