عطا اللہ تارڑ ءَ گوشت کہ مدرسہ بل ءِ سر ءَ صدر ءِ نیمگ ءَ چست کتگیں اعتراض قانونی ءُ آئینی اَنت، صدر ءُ پارلیمنٹ ءِ اختیارات آناں نشانگ جوڑ کنگ ءِ واستہ بے وسی ءِ بیان ءُ ایراد ءَ چہ رکگ بہ بیت

اسلام آباد۔14دسمبر (اے پی پی): بنجاھی وزیر ءِ اھوالکاری، شنگکاری، راجی میراث ءُ دود ءُ ربیدگ عطا اللہ تارڑ ءَ گوشت کہ مدرسہ ءِ بل ءِ سر ءَ صدر ءِ نیمگ ءَ چست کتگیں اعتراض قانونی ءُ آئینی اَنت۔ شمبے ءِ روچ ءَ سوشل میڈیا پلیٹ فارم ایکس ءِ سر ءَ وتی یک پوسٹے ءِ تہ ءَ بنجاھی وزیر ءِ اھوالکاری ءَ گوشت کہ اعتراض آنی تہ ءَ فتاف ءِ ھچ ذکر نیست، ءُ نہ کہ ھچ وڑیں سیادی، قانونی ءُ آئینی جیڈھ آناں سیاسی کنگ کس ءِ حق ءَ نہ اِنت۔ مدرسہ ءِ رجسٹریشن ءَ گوں فتاف ءَ ہمگرنچ کنگ جنگلی تخیل ءُ واھگ ءِ برابر اِنت۔ آئی ءَ گوشت کہ قانون سازی ءِ کارروائی آئین ءِ تہ ءَ ھاس اِنت، صدر ءِ مملکت ءَ آئینی اعتراض چست کتگ اَنت ءُ ایشانی اصلاح ھم آئین ءِ رد ءَ پارلیمنٹ ءِ نیمگ ءَ کنگ بوتگ۔ اے معاملہ ءِ سرا بے وسی ءِ بیان ءُ تنقید ءِ گوما صدر ءُ پارلیمنٹ ءِ اختیارات ءَ نشانگ جوڑ کنگ ءَ چہ بچگ بہ بیت۔