وزیر داخلہ بنجاھی محسن نقوی ءِ تر ءُ تاب ، پبلک سکیورٹی پولیس ہیڈ کوارٹر ءِ تر ءُ تاب

ریاض۔15دسمبر (اے پی پی): بنجاھی داخلہ ءِ وزیر محسن نقوی ءَ سعودی عرب ءِ پولیس ءِ پبلک سیکورٹی ءِ ہیڈ کوارٹر ءِ تر ءُ تاب کتگ۔ امنیت عامہ ءِ سروک لیفٹیننٹ جنرل محمد البسامی ءَ بنجاھی داخلہ ءِ وزیر محسن نقوی ءَ را وش آتک کتگ۔ وزیر داخلہ محسن نقوی ءَ اسٹیٹ آف آرٹ ءِ سلامتی پبلک ہیڈ کوارٹر ءِ جتا جتائیں محکمہ آنی چار ءُ تپاسی کتگ۔ آئی ءَ سعودی عرب ءِ سیف سٹی سنٹر ءِ ھم تر ءُ تاب کتگ۔ بنجاھی وزیر داخلہ محسن نقوی ءَ جرائم ءِ گر ءُ دار ءِ واستہ جدید ٹیکنالوجی ءَ گوں لیسیں نظام ءِ چار ءُ تپاس کت ءُ جرائم ءُ ٹریفک حادثہ آنی کنٹرول ءِ جدید ٹیکنالوجی ءِ کارمرد کنگ ءِ نظام ءَ را ساڑات۔ وزیر داخلہ محسن نقوی ءَ امنیت عامہ ءِ سروک لیفٹیننٹ جنرل محمد البسامی ءَ گوں گند ءُ نند کت۔ گند ءُ نند ءَ پاکستان ءُ سعودی عرب ءِ نیام ءَ یکجائی ٹاسک فورس ءَ را زوت فعال کنگ ءِ سرا تپاک کنگ بوتگ۔ وزیر داخلہ محسن نقوی ءَ گوشت کہ سعودی عرب ءِ جوانیں لس سلامتی ءِ نظام ءِ گندگ ءَ چہ دل ءِ وشی بوتگ۔ آئی ءَ گیش گوشت کہ پولیس ٹریننگ ءِ تہ ءَ کمک ءَ را دیمروئی دیگ ءَ چہ ما یک ءُ دومی ءِ تجروبت آں چہ سیت زورگ ءَ ایں ۔ تہی کارانی وزیر ءَ گوشت کہ پاکستان سفارتکار آنی رکھینگ ءِ واستہ ھاسیں رکھینگی یونٹ جوڑ کنگ ءَ انت۔ وزیر داخلہ محسن نقوی ءَ را پبلک سیکورٹی ءِ بنجاہی کارگس ءَ ھاسیں بریفنگ دیگ بوت۔ بریفنگ ءِ تہ ءَ گوشگ بوت کہ مصنوعی ذہانت ءِ وسیلگ ءَ جرم ءُ ٹریفک حادثہ آناں کنٹرول کنگ ءِ واستہ یک نظام ءِ جوڑ کنگ بوتگ، حج ءُ عمرہ ءِ روچ ءَ ھم اسپیشل فورسز ڈیوٹی کن اَنت۔ بریفنگ ءِ تہ ءَ گیش ھال دیگ بوتگ کہ سعودی عرب ءِ تہ ءَ سرجمیں اسپیشل فورسز پبلک سیکورٹی ہیڈ کوارٹر ءِ چیر دستی ءَ اَنت۔