راولپنڈی۔15دسمبر (اے پی پی): بحرین ءِ تر ءُ تاب ءِ موہ ءَ پاک بحریہ ءِ سروک ایڈمرل نوید اشرف ءَ مزنیں سول ءُ ملٹری سروکی ءَ گوں گند ءُ نند کتگ، ایشی ءِ تہ ءَ دفاعی کمک ءَ را مھکم کنگ ءُ دوئیں ملک آنی نیام ءَ راجدپتری سیادی ءَ را مھکم کنگ ءِ سر ءَ ھیال ریچی کنگ بوتگ۔ آئی ایس پی آر ءِ نیمگ ءَ چہ جاڑی بوتگیں …
پاک بحریہ ءِ سروک ایڈمرل نوید اشرف ءَ بحرین ءِ تر ءُ تاب ءِ موہ ءَ مزنیں سول ءُ ملٹری سروکی ءَ گوں گند ءُ نند کتگ
گیشتریں ھال
راولپنڈی۔15دسمبر (اے پی پی): بحرین ءِ تر ءُ تاب ءِ موہ ءَ پاک بحریہ ءِ سروک ایڈمرل نوید اشرف ءَ مزنیں سول ءُ ملٹری سروکی ءَ گوں گند ءُ نند کتگ، ایشی ءِ تہ ءَ دفاعی کمک ءَ را مھکم کنگ ءُ دوئیں ملک آنی نیام ءَ راجدپتری سیادی ءَ را مھکم کنگ ءِ سر ءَ ھیال ریچی کنگ بوتگ۔ آئی ایس پی آر ءِ نیمگ ءَ چہ جاڑی بوتگیں پریس ریلیز ءِ رد ءَ نیول چیف ءَ بحرین ءِ بادشاہ حمد بن عیسیٰ الخلیفہ ءِ گوما سرجمیں گند ءُ نند کتگ۔ بحریہ ءِ سروک ءَ بحرین ءِ بادشاہی ءِ ولی عہد، مزن وزیر ءُ بحرین ءِ دفاعی افواج ءِ نائب سپریم کمانڈر سلطان بن حمد الخلیفہ ءَ گوں وت مہ وتی دفاعی سیادی ءِ بابت ءَ تفصیلی مشورہ ءِ ساھت ءَ جتا گند ءُ نند کتگ۔ کمانڈر بحرین نیشنل گارڈ؛ جنرل شیخ محمد بن عیسیٰ بن سلمان ءُ کمانڈر رائل بحرین نیول فورس ءِ ریئر ایڈمرل احمد محمد ابراہیم بن علی ءِ گوما ھم تفصیلی گند ءُ نند کنگ بوتگ رائل ڈیفنس ءِ ھاتر ءَ دو نیمگی دفاعی کمک ءِ جیڈھ آنی سر ءَ گپ ءُ تران کنگ بوتگ۔ ھمے رنگ ءَ منامہ ءُ رائل کمانڈ اینڈ اسٹاف کالج ءِ تر ءُ تاب کتگ ءُ دمگ ءِ سیکورٹی جاور ھال آنی بابت ءَ افسر آناں لیکچر داتگ۔
