اسلام آباد۔15دسمبر (اے پی پی): سینیٹ ءَ پاکستان مسلم لیگ ءِ پارلیمانی پارٹی ءِ سروک سینیٹر عرفان صدیقی ءَ مسلم لیگ ءِ پیسریگیں انفارمیشن سیکرٹری صدیق الفاروق ءِ بیرانی ءِ سر ءَ دلپدردی ءُ رنج ءُ گم ءِ درشانی کتگ۔ گشگ بوتگ کہ بیران بوتگیں مردم مھکمیں آدرش ءُ وفاداری ءِ یک پیکرے بوتگ، آئی ءَ گران تریں جاوراں گوں مثالی بہادری ءُ دلیری ءَ آمریت ءِ ھلاپ ءَ جنگ …
صدیق الفاروق ءِ بیرانی ءِ سرا سینیٹر عرفان صدیقی ءِ گم ءُ اپسوزی ءِ د رشان
گیشتریں ھال
اسلام آباد۔15دسمبر (اے پی پی): سینیٹ ءَ پاکستان مسلم لیگ ءِ پارلیمانی پارٹی ءِ سروک سینیٹر عرفان صدیقی ءَ مسلم لیگ ءِ پیسریگیں انفارمیشن سیکرٹری صدیق الفاروق ءِ بیرانی ءِ سر ءَ دلپدردی ءُ رنج ءُ گم ءِ درشانی کتگ۔ گشگ بوتگ کہ بیران بوتگیں مردم مھکمیں آدرش ءُ وفاداری ءِ یک پیکرے بوتگ، آئی ءَ گران تریں جاوراں گوں مثالی بہادری ءُ دلیری ءَ آمریت ءِ ھلاپ ءَ جنگ کتگ۔ یک شمبے ءِ روچ ءَ وتی دلپدردی بیان ءِ تہ ءَ سینیٹر عرفان صدیقی ءَ گوشت کہ صدیق الفاروق مھکمیں آدرش ءُ وفاداری ءِ مردم بوتگ۔ آئی ءَ گران تریں جاوراں گوں مثالی بہادری ءُ دلیری ءَ آمریت ءِ ھلاپ ءَ جنگ کتگ۔ زندان ءِ زحمت برداشت کتگ بلے محمد نواز شریف ءِ ھلاپ ءَ گواہ بوھگ ءُ وتی نیمگ ءَ چہ درکپگ ءَ چہ انکار کتگ۔ آئی ءَ گوشت کہ آ بُنکی رنگ ءَ قلم نویس مجاھد بوتگ ءُ آئی ءَ وتی سرجمیں زند ءَ اے ردا پوشگ ءَ برجاہ داشتگ۔ آئی ءَ گوشت کہ صدیق الفاروق سادگی، شرپ ءُ ایمانداری ءِ علامت بوتگ، مزنیں اگدہ آنی سر ءَ بوھگ ءَ ابید ھم آئی ءِ مزاج ءُ سادگیں زند ءِ تہ ءَ ھچ وڑیں بدلی نہ بوتگ، آئی ءِ بیرانی اھوالکاری، سیاست ءُ شرپ، جمہوریت ءُ مسلمان لیگ (ن) ءِ ھاترا آئی ءِ قربانی ءُ ھزمت ناقابل فراموش انت۔ عرفان صدیقی ءَ گیش گْوشتگ کہ آئی ءِ بیرانی ءَ چہ لھتیں روچ پیسر من آئی ءِ گند ءُ نند ءَ شتگ آں ءُ ھمے وھد ءَ ھم آ پاکستان ءِ جیڑگ ، نواز شریف ءِ مھر ءُ مسلم لیگ (N) ءِ شفقت ءِ گپ ءَ اَت۔ سینیٹر عرفان صدیقی ءَ دعا کتگ کہ اللہ تعالیٰ بیران بوتگیں مردم ءِ بستار ءَ بُرز بہ کنت ءُ پش کپتگیں مردم آناں صبر ءُ اوپار بہ دنت۔
