پاکستان ءَ جان سلامتی ءِ گہتری ءِ واستہ یکجائی کوشست کنگ بہ بیت، سید یوسف رضا گیلانی

اسلام آباد۔15دسمبر (اے پی پی): سینیٹ ءِ چیئرمین سید یوسف رضا گیلانی ءَ گوشت کہ پاکستان ءَ جان سلامتی ءِ نظام ءَ را گہتر کنگ ءِ واستہ یکجاھیں کوشست کنگ بہ بیت ایوک ءَ بنیاتی انسانی ھک ءُ راجی دیمروئی نہ اِنت۔ ترمیم ءَ صوبہ آناں جان سلامتی ءِ ھوالگ ءَ جیڈھ آنی سر ءَ توانمند کنگ ءِ تہ ءَ مزنیں کردے پیلو کتگ۔ اے ھیالانی درشانی چیئرمین سینیٹ ءَ یک شمبے ءِ روچ ءَ اسلام آباد ءَ جان سلامتی ءِ سرپدی ءِ سیمینار ءَ ھاسیں مہمان ءِ بستار ءَ گشتانک دیان ءَ کت۔ چیئرمین سینیٹ ءَ گوشت کہ آئین ءِ ترمیم ءِ چیر دستی ءَ صوبگ وتی آبادی ءِ لوٹ آنی رد ءَ بنجاہی گیواری ءِ شوھازگ ءِ واستہ گامگیج چست کت کن اَنت۔ آئی ءَ گوشت کہ ڈیولپمنٹ ءَ یک جامع، شریکیں جان سلامتی ءِ فریم ورک ءِ جوڑ کنگ ءَ کمک کتگ، ءُ اے وھد اتکگ کہ پاکستان ءَ جان سلامتی ءِ ھیالداری ءَ را گہتر کنگ ءِ واستہ یکجائی کوشست کنگ بہ بیت چیئرمین سینیٹ ءَ گیش کت کہ الس ءَ را نہ ایوک ءَ ھما ھیالداری ءِ رسگ ءِ واستہ کہ آھانی مستحق انت۔ دیمروئی ءِ بُن ھشت ءِ بستار ءَ جان سلامتی ءَ را ارزشت دنت۔ آئی ءَ گوشت کہ مزن وزیر ءِ بستار ءَ وتی دور ءَ جان سلامتی ءِ شوبگ ءَ را مھکم کنگ ءِ واستہ ٹھوس گامگیج چست کتگ۔ سید یوسف رضا گیلانی ءَ سوج دات کہ بنجاہی جان سلامتی ءِ شوبگ ءَ را گہتر کنگ ءُ شہری ءُ میتگ ءِ نیام ءَ رسائی ءِ فرق ءَ را بند کنگ ءِ سر ءَ دلگوشی دیگ بہ بیت۔ آئی ءَ گوشت کہ آئی ءِ سرکار ءِ وھد ءَ ما وسیلگ آناں یکجا کنگ ءِ واستہ سرکاری ءُ نجی شراکت داری ءَ را دیم ءَ برتگ، انسانی وسیلگ آنی دیمروئی ءِ تہ ءَ سرمایہ کاری ءِ دلبڈی داتگ تانکہ ہنرمندیں جان سلامتی ءِ پیشہ ور آنی کمی ءَ را پیلو کنگ بہ بیت۔ . سید یوسف رضا گیلانی ءَ گوشت کہ جان سلامتی ءِ نظام ءَ دسترس نہ ایوک ءَ انسانی بنیاتی ھک انت بلکینگ ءَ راجی دیمروئی ءِ بنیات انت۔ چیئرمین سینیٹ ءَ تیانشی انٹرنیشنل پاکستان ءِ ھم ساڑات کہ آئی ءَ جان سلامتی ءِ ھاسیں جیڈھ آنی بابت ءَ سرپدی پیداک کنگ ءِ واستہ اے ھاسیں مراگش ءِ برجائی کتگ۔ آئی ءَ اے گپ ءِ ھم دل یکیمی دات کہ سینیٹ جان سلامتی ءِ نظام ءَ را مھکم کنگ ءُ کوالٹی کیئر ءِ رسائی ءِ تہ ءَ رکاوٹ آناں ھلاس کنگ ءِ تہ ءَ جوانیں کرد پیلو کنت۔ چیئرمین سینیٹ ءَ گوشت کہ مرچی ءِ سیمینار جان سلامتی ءِ سرپدی ءُ جان سلامتی ءِ دیمروئی ءِ واستہ مئے یکجائی عزم ءِ ثبوت اِنت۔