اسلام آباد۔13دسمبر (اے پی پی):21نومبر ءَ اسلام آباد ءَ پاکستان ءُ یورپی یونین ءِ یکجائی کمیشن ءِ دیوان برجم دارگ بوت، ایشی ءِ تہ ءَ گوستگیں سیاسی دیمروئی آنی سر ءَ چار ءُ تپاسی کنگ بوت، ایشی ءِ تہ ءَ پاکستان ءِ گچین کاری ءِ عمل (8 فروری ءَ پارلیمانی گچین کاری) ءُ یورپی یونین ءِ (جون) ءِ سر ءَ چار ءُ تپاسی کنگ بوت۔ 6-9 یورپی پارلیمنٹ ءِ گچینکاری ءُ نوکیں کالج آف کمشنرز ءِ جاری جوڑ کنگ)۔ جمعہ ءِ روچ ءَ دری کارانی کارگس ءِ جارکش ءِ نیمگ ءَ شنگ بوتگیں بیان ءِ رد ءَ 14می پاکستان یورپی یونین ءِ یکجائی کمیشن ءَ پد یکجائی پریس ریلیز ءِ تہ ءَ گشگ بوتگ پاکستان ءُ یورپی یونین ءَ وتی کمک ءُ برجمیں ھوار بوھگ ءِ ارزشت ءَ را من اِتگ ھاسیں رنگ ءَ تجارت ءِ تہ ءَ ۔ ، گلوبل گیٹ وے ءِ رھبند ءِ تہ ءَ فضائی ، انسانی ھک ، سیاسی ، اقتصادی ءُ دیمروئی ءِ ھمکاری ءِ وڑیں پڑ آنی سر ءَ دلگوش گور کنگ بوتگ ۔ فریق آنی نیام ءَ وردن ءُ وراک، توانائی ءِ سلامتی ءُ موسمی بدلی ءِ دیم ءَ آیوکیں چیلنج آنی سر ءَ کمک ءَ را برجاہ دارگ ءِ سر ءَ تپاک کنگ بوتگ۔ پاکستان۔ یورپی یونین ءِ جمہوریت، حکومت داری، قانون ءِ بالادستی ءُ انسانی حقانی بابت ءَ ذیلی گل ءِ دیوان ھم برجم دارگ بوتگ۔ مشترکہ کمیشن ءَ چہ پیسر 19 نومبر 2024 ءَ جمہوریت، حکومت داری، قانون ءِ حاکمیت ءُ انسانی حقانی بابت ءَ یک ذیلی گلے جوڑ کنگ بوتگ ءُ ایشی ءِ سروک وزارت ءِ درئی کار ءُ یورپی دری کارروائی سروس ءِ یکجائی ءَ انت۔ فریق آں گچین کاری ءَ پد پاکستان ءُ یورپی یونین ءِ سیاسی رد ءُ بند ءِ سرا چار ءُ تپاسی کت۔ گچین کاری ءِ عمل ءَ را مھکم کنگ ءِ واستہ مُدام کوشست کنگ ءِ ضلورت ءِ سر ءَ تپاک کنگ بوت ۔ یورپی یونین ءَ جمہوری گچین کاری ءِ کلید ءِ رنگ ءَ سیاسی کثرت پسندی، جمہوری قدر، آزاد رسانکدر، متحرک سول سوسائٹی، عدالتی آجوئی ءُ میاں اوستمانی انسانی حقانی معیار ءِ ارزشت ءِ سرا زور دات۔ فریقین ءَ وتی عزم ءِ سرا زور دات کہ آ درستیں انسانی حقانی حفاظت ءَ بہ کن انت، ایشانی تہا زالبول ءُ زھگانی حق، کار ءُ مہاجرین ءِ حق ءُ ہمے رنگ ءَ بنیاتی آجوئی چوشکہ آزاتی ءِ درشان ءُ ردیں زانتکاری ءِ گیش بوہوکیں جیڑہ انت۔ پاکستان ءَ وتی اصلاحاتی ایجنڈا پیش کت کہ ایشی ءِ تہ ءَ انسانی ھک آنی ھوالگ ءَ راجی ایکشن پلان ءِ فریم ورک، کاروبار ءُ انسانی ھک آنی ھوالگ ءَ راجی ایکشن پلان ءِ ھوار جی ایس پی پلس ءَ گوں ھوالگ ءَ 27 میاں اوستمانی کنونشنز آنی سر ءَ سرجمی ءَ عمل کنگ ءِ گامگیج ھوار اَنت۔ پاکستان ءُ یورپی یونین ءَ مذہب یا عقیدہ ءِ آجوئی ءُ اقلیت ءُ نزوریں گلاں گوں سیادی داروکیں مردمانی ھک ءُ مسلمان ءِ ھلاپ ءَ نفرت ءِ بابت ءَ ھم جیڑھ ءُ تران کتگ۔ فریقین ءَ اے یکجائی جیڈھ آنی سر ءَ گپ ءُ تران ءِ برجاہ دارگ ءِ ارزشت ءِ سر ءَ زور پر دات۔ یورپی یونین ءَ موت ءِ سزا ءِ ھلاس کنگ ءِ ھوالگ ءَ وتی موقف ءِ پدا زور دات ءُ رحم ءِ اصلاحات ءِ عمل ءَ را دیم ءَ برگ ءِ ضلورت ءِ سر ءَ زور پر دات۔ یکجائی بیان ءِ رد ءَ پاکستان ءُ یورپی یونین ءِ ذیلی گروپ ءِ تجارت ءِ ھوالگ ءَ دیوان ھم یکجائی کمیشن ءِ دیما بوت۔ اے گند ءُ نند 20نومبر ءَ وزارت تجارت ءُ یورپی کمیشن ءِ ڈی جی ٹریڈ ءِ نیام ءَ بوتگ۔ یکجائی بیان ءِ رد ءَ یورپی یونین پاکستان ءِ دومی مزنیں تجارتی شریک انت ایشی ءِ جنرلائزڈ اسکیم آف پریفرینسز پلس (جی ایس پی پلس) ءِ بندوبست دو نیمگی تجارت ءِ دیمروئی ءَ ھاسیں کرد پیلو کنگ ءَ انت۔ فریقین ءَ یک مھکمیں کثیر جہتی تجارتی نظام ءِ ارزشت ءَ را من اِتگ ءُ (ڈبلیو ٹی او)، کثیر جہتی ءُ دو نیمگی تک ءَ نوکیں دیمروئی آنی ھوالگ ءَ ھیال ءُ لیکہ آنی درشان کتگ۔پاکستان ءُ یورپی یونین ءِ نیام ءَ دو نیمگی تجارتی سیادی ءِ سر ءَ ھم سرجمیں رنگ ءَ گپ ءُ تران کنگ بوت، ایشی ءِ تہ ءَ دوئیں نیمگ آنی واستہ مارکیٹ ءِ رسائی ءِ چیلنج آنی ھوار جتا جتائیں سرھال آنی سر ءَ گپ ءُ تران کنگ بوت۔ جی ایس پی پلس ءِ نفاذ ءِ سر ءَ کمک ءِ ھاسیں دلچسپی ءِ دگہ پڑ آنی تہ ءَ ھاسیں ارزشت بوتگ۔ یکجائی بیان ءِ رد ءَ فریقین ءَ اے گپ من اِتگ کہ 2014 ءَ جی ایس پی ءِ درجہ دیگ ءَ پد دو نیمگی تجارتی سیادی آنی تہ ءَ مزنیں پیشرفت بوتگ۔ یورپی یونین یورپی یونین ءِ ریگولیٹری فریم ورک ءِ رد ءَ عمل کنگ ءِ آسراتی ءِ واستہ پاکستان ءَ را وتی آیوکیں کانود سازی ءِ پیشرفت ءِ بابت ءَ سرپدی دیگ ءِ واستہ جزم اِنت۔ پاکستان ءُ یورپی یونین ءَ برجائی دیمروئی ءُ تجارتی دیمروئی ءِ واستہ برجاھیں کمک ءِ ارزشت ءِ سر ءَ زور پر دات۔ یکجائی بیان ءِ رد ءَ پاکستان یورپی یونین ءِ ذیلی گروپ برائے دیمروئی کمک ءِ دیوان ھم برجم دارگ بوت۔ دیمروئی ءِ ذیلی گروپ ءَ 20نومبر ءَ وزارت اقتصادی امور ءُ یورپی کمیشن ءِ ڈی جی انٹرنیشنل پارٹنرشپ ءِ نیام ءَ گند ءُ نند کتگ۔ پاکستان ءُ یورپی یونین ءَ جاری کثیر سالی اشارہ پروگرام ءِ چیر دستی ءَ سبز شمولیت ءِ دیمروئی، انسانی سرمایہ ءُ گورننس ءَ ھوار کانود ءِ حاکمی ءُ انسانی ھک آنی تہ ءَ کلیدی اولویت ءِ شوبگ آناں برجاھیں یکوئی ءِ سر ءَ تپاک کتگ۔ اے اولویت راجی دیمروئی ءِ ایجنڈا ءُ حکومت پاکستان ءِ دیمروئی ءِ اولویت آنی گوما جوانیں رنگ ءَ ھمگرنچ انت۔ اے درگت ءَ پاکستان ءَ ٹیم یورپ ءِ رھبند ءِ چیر دستی ءَ پاکستان ءِ ریزیلینٹ ریہیبلیٹیشن ءَ ھوار بحالی ءُ نوک جوڑیشت ءِ فریم ورک ءِ واستہ یورپی یونین ءِ برجاھیں کمک ءِ وش اتک کتگ۔ یورپی یونین ءَ ایم آئی پی ءِ میان مدتی جائزہ ءُ یورپی یونین ءِ پالیسی فریم ورک ءُ گلوبل گیٹ وے ءِ بابت ءَ اپ ڈیٹ ءِ پد ءَ 2025-2027 ءِ وھد ءِ منصوبگ آنی تفصیل پیش کتگ۔ پاکستان ءَ یورپی سرمایہ کاری بینک ءِ ستمبر 2024 ءَ پاکستان ءِ گوستگیں تر ءُ تاب ءِ ساڑات ءُ نوکیں سرمایہ کاری ءِ نشاندہی ءَ چہ گلوبل گیٹ وے فریم ورک ءِ تہ ءَ ھوار بوھگ ءَ را گیش کنگ ءِ موہ ءِ سر ءَ تپاک کت۔ یورپی یونین ءَ سبز ءُ ساپیں توانائی ءِ دیمروئی ءِ واستہ پاکستان ءِ گوما برجاھیں کمک ءِ درشان کت۔ فریق آنی تہ ءَ دمگی پروگرام آنی سر ءَ ھم گپ ءُ تران کنگ بوتگ ءُ یکجائی دلچسپی ءِ پڑ آنی تہ ءَ دمگی کمک ءَ را مھکم کنگ ءِ واستہ ایشانی ارزشت ءَ را من اِتگ۔ حکومت داری ءُ قانون ءِ حاکمیت ءِ پڑ ءَ ملک ءِ چاگردی ءُ اقتصادی دیمروئی ءِ تہا مدنی چاگرد ءِ ھاسیں کرد ءِ سرا گپ ءُ تران کنگ بوتگ ءُ ہمے رنگ ءَ گلوبل گیٹ وے ءِ سرمایہ کاری ءِ دیمروئی ءُ توانمندیں چاگرد (عوامی مالیاتی انتظامی، قانون ءِ حاکمیت) ءِ حمایت ءِ سرا گپ ءُ تران کنگ بوتگ۔ ). یکجائی بیان ءِ تہ ءَ یکجاھیں دلچسپی ءِ دگہ جیڈھ آنی ذکر کنان ءَ گیش کنگ بوتگ کہ پاکستان ءُ یورپی یونین ءَ 2019 ءَ دستخط بوتگیں پاکستان ءُ یورپی یونین ءِ اسٹریٹجک انگیجمنٹ پلان ءِ سر ءَ وتی عزم ءِ پدا پدر کتگ ءُ پنچ سال ءِ وھد ءَ پد ایشی ءِ سر ءَ عمل درآمد ءِ جاور ھال آنی سر ءَ چار ءُ تپاسی کتگ۔ پاکستان ءَ کشت ءُ کشاری، ٹیکس ءُ آفت ءِ رسک ءِ کمی ءِ وڑیں گیشیں شوبگ آنی تہ ءَ دو نیمگی کمک ءَ را گیش کنگ ءِ واستہ تجویز پیش کتگ۔ مشترکہ کمیشن ءَ پاکستان ءُ یورپی یونین ءِ جامع ہجرت ءُ موبلٹی ڈائیلاگ ءِ رد ءَ یکجائی وعدہ آنی سر ءَ پیشرفت ءِ سر ءَ تران کت ءُ اوگان شہری آنی رجسٹریشن کارڈ ءِ ثبوت ءِ مدت ءَ را 30جون 2025ءَ تاں گیش کنگ ءِ پیسلہ ءَ را وش اتک کت۔ بیان ءِ رد ءَ پاکستان ءُ یورپی یونین ءَ ناشرکاری ءُ منشیات ءِ ھلاپ ءَ ھوار ایمنی ءِ جیڈھ آنی سر ءَ دمگی کمک ءِ ارزشت ءَ را من اِتگ۔ پاکستان ءَ غزہ ءَ زوت ءُ بے شرطیں جنگ بندی ءُ اسرائیل ءِ لشکر ءِ مقبوضہ عرب دمگاں چہ سرجمی ءَ درکنگ ءِ لوٹ ہم کتگ۔ یورپی یونین غزہ ءَ زوتیں جنگ بندی ءِ لوٹ ءَ پدا کنت، درستیں یرغمال آنی بے شرطیں یلہ کنگ ءُ انسانی کمک ءِ زوتیں ءُ بے رکاوٹیں دسترس ءُ بہر ءُ بانگ ءِ ھوار اقوام متحدہ ءِ سلامتی کونسل ءِ قرارداد 2735 ءِ رد ءَ دژمنی ءِ دائمی بندش ءِ لوٹ ءَ کنت۔ پاکستان ءُ یورپی یونین ءَ میاں اوستمانی کانود ءِ اصول ءُ اقوام متحدہ ءِ منشور ءِ سرجمیں احترام ءَ گوں درستیں جیڈھ آنی پرامن گیواری ءِ ضلورت ءِ سر ءَ زور پر دات۔ مشترکہ کمیشن ءِ سروکی ءَ وزارت اقتصادی امور ءِ سیکرٹری ڈاکٹر کاظم نیاز ءُ ایشیا ءُ پیسفک یورپی ایکسٹرنل ایکشن سروس ءِ ڈپٹی منیجنگ ڈائریکٹر پاولا پامپالونی ءَ یکجائی ءَ کتگ۔ یورپی یونین ءُ پاکستان ءِ یکجاھیں کمیشن ءِ آیوکیں دیوان 2025 ءَ برسلز ءَ برجم دارگ ءِ سر ءَ تپاک کنگ بوتگ۔
