اسلام آباد۔13دسمبر (اے پی پی): پاکستان ءِ حکومت ءِ نیمگ ءَ چین ءُ پاکستان ءِ اقتصادی راہداری ءِ دومی بھر ءِ چیر دستی ءَ اقتصادی، تکنیکی ءُ چاگردی منصوبگ آنی دیمروئی ءِ واستہ بیجنگ ءَ برجم دارگ بوھوکیں ھاسیں سیمینار ءِ تیاری ءِ ھوالگ ءَ۔ .وزارت ءِ منصوبہ بندی ، توسعہ ءُ خاصیں اقدام ءِ چیردستی ءَ یک تعارفی دیوان برجم دارگ بوت۔ دیوان ءِ سروکی ءَ بنجاھی وزیر ءِ منصوبہ بندی، دیمروئی ءُ ھاسیں گامگیج پروفیسر احسن اقبال ءَ کت۔ کہ ایشی ءِ تہا چین ءَ روگ ءَ جتا جتائیں وزارت ءُ صوبائی محکمہ آنی نامزدیں افسراں بہر زرتگ۔ اے موہ ءِ سر ءَ دری کارانی وزیر پروفیسر احسن اقبال ءَ وتی گشتانک ءِ تہ ءَ ڈل ءِ مشن ءِ ارزشت ءِ سر ءَ زور پر دات ءُ ایشی ءَ را راجدپتری موہ ءِ گوشت ءُ بھر زوروک آناں ہدایت کت کہ اے سیمینار ءَ گوں سرجمیں تیاری ءُ جوانیں حکمت عملی ءَ بھر بہ زور اَنت۔ آئی ءَ اے گامگیج ءَ را پاکستان ءُ چین ءِ نیام ءَ دیریں دوستی ءُ وت مہ وتی کمک ءِ یک جوانیں درور لیک اِتگ۔ آئی ءَ گوشت کہ بندات ءَ اسلام آباد ءَ سئے روچی ورکشاپ ءِ تجویز داتگ ات بلے چین ءَ پاکستان ءَ چہ 27ماہرین آناں بیجنگ ءَ دعوت داتگ ات کہ آ چین ءِ دیمروئی ءِ حکمت عملی آناں اولی دست ءَ بہ چار انت ءُ سی پیک ءِ دومی بھر ءِ واستہ یک جامع منصوبگ ءِ تیاری ءَ بہ کن انت۔ چین ءِ حیرت انگیزیں دیمروئی ءِ مثال ءِ رد ءَ گشتگ کہ 1980 ءَ پاکستان ءِ سرجمیں آمدنی 300 ڈالر بوتگ وھدے کہ چین ءِ 200 ڈالر بوتگ۔ مرچی چین ءَ 80ملین ءَ چہ گیش مردم چہ گریبی ءَ در کتگ ءُ نوکیں دنیا ءِ راجدپتر ءَ بے دروریں دیمروئی ءِ ماڈل ءِ جوڑ کتگ گریبی ءِ ھلاسی، وانگ ءُ زانگ ءُ جان سلامتی ءِ منصوبگ، توانائی ءِ شوبگ ءِ بدلی ءُ برآمدات ءِ تہ ءَ گیشی ءِ ھاترا جھان ءِ سپلائی چین آنی گوما سیادی۔ چہ چین ءِ دیمروئی ءِ رھبنداں شور ءُ سلاہ لوٹ اِت مطالعہ ءِ ہدایت کنگ بوتگ۔ پروفیسر احسن اقبال ءَ ڈل ءِ باسک آناں پاکستان ءُ چین دوستی ءِ دیمروئی ءِ واستہ سفیر ءِ بستار ءَ پیشہ وارانہ رویہ ءُ وھد ءِ پابندی ءِ درشان کنگ ءِ سر ءَ زور پر دات۔ وزارت خارجہ ءَ ڈل ءَ را المی سفارتی آداب ءُ اصول آنی بابت ءَ ھم سرپدی دات آھاں امیت کت کہ اے ڈل ”تبدیلی ءِ چیمپئن“ ءِ رنگ ءَ پدا کیت ءُ چین ءِ دیمروئی ءِ کسہ ءَ چہ الہام زوریت ءُ پاکستان ءِ دیمروئی ءِ تہ ءَ وتی سرجمیں کوشست آنی تہ ءَ بھر زوری کنت۔ اے سیمینار پاکستان ءِ منصوبہ بندی ءِ وزارت ءُ چین ءِ راجی دیمروئی ءُ اصلاحات کمیشن ءِ کمک ءَ کنگ بوھگ ءَ انت تانکہ سی پیک ءِ دومی بھر ءَ دو نیمگی کمک ءَ را گیش کنگ بہ بیت۔ اے کمکی پاکستان ءِ 5 اے فریم ورک، معیشت، برآمدات، چاگرد، توانائی ءُ برابری ءِ رھبندانی رد ءَ انت گوستگیں سال ءَ پاکستان ءُ چین ءَ سی پیک ءِ چیر دستی ءَ سوبمندیں دیمروئی ءِ دہسال ءِ مراگش برجم داشتگ ات۔ دومی نیمگ ءَ چینی نائب مزن وزیر عالی جناب ءَ صدر شی جن پنگ ءِ نیمگ ءَ پیش کرتگیں پنچ نوکیں تھیمٹک راہداری ءِ جار جتگ کہ ایشی ءِ تہ ءَ دیمروئی راہداری، کوالٹی ءِ گہتری ءِ راہداری، نوآبادیاتی راہداری، سبز راہداری ءُ رابطہ ءِ دمگی راہداری ھوار اَنت۔ اے راہداری اقتصادی دیمروئی، نوآبادیاتی ءُ پائیدار دیمروئی ءِ مول ءُ مراد ءِ دیمروئی ءِ ھاترا جوڑ کنگ بوتگ انت۔
