اسلام آباد۔13دسمبر (اے پی پی):صدر آصف علی زرداری ءَ خیبر پختونخوا ءُ بلوچستان ءَ جتا جتائیں آپریشن ءِ ساھت ءَ 43 ناشرکارانی کوش ءِ سر ءَ سیکورٹی اُرد آناں توسیپ ءُ ستا پیش کتگ ءُ ملک ءَ چہ ناشرکاری ءِ سرجمی ءَ ھلاس کنگ ءِ راجی جزم ءِ درشانی کت ءُ گوشت کہ دلیریں ارد پاکستان ءَ ناشرکاری ءِ سرجمیں ھلاسی ءِ واستہ مدام جہد ءُ کوشست ءَ انت۔ جمعہ ءِ روچ ءَ گس ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ تہ ءَ صدر ءِ مملکت ءَ فتنہ الخوارج ءُ بلوچستان ءَ سرگرمیں ایندگر ناشرکار آنی بدیں نیت آناں ناکام کنگ ءِ واستہ اُرد آنی بہادری ءِ توسیپ کتگ۔ صدر ءِ مملکت ءَ گوشت کہ جتا جتائیں آپریشن ءِ ساھت ءَ مزنیں کساس ءَ ناشرکار آناں ھلاس کنگ سیکورٹی فورسز ءِ یک مزنیں سوبمندی یے سرجمیں راج ناشرکاری ءِ ھلاسی ءَ سیکورٹی فورسز ءِ کرد ءَ را من ایت۔ آئی ءَ اے امیت سہرا کت کہ پاکستان ءِ سلاہ بندیں اُرد ناشرکاری ءِ ھلاپ ءَ گیش ءَ چہ گیش سوبمندی ءِ ھاترا حاصل کن اَنت۔
