مزن وزیر محمد شہباز شریف ءَ گوشت کہ پاکستان ءَ شمسی توانائی ءِ مزنیں گنجائش است انت، آیوکیں وھد ءَ کم ھرچ ءُ  درچ ءِ بجلی منصوبگ آناں اولیت دیگ بہ بیت

اسلام آباد۔13دسمبر  (اے پی پی):مزن وزیر محمد شہباز شریف ءَ بجلی ءِ صارف آنی واستہ بجلی ءِ شرح ءَ را گیش کم کنگ ءِ ہدایت کتگ ءُ  آیوکیں وھد ءَ کم لاگت ءِ بجلی ءِ منصوبگ آنی ھوالگ ءَ منصوبگ آنی سر ءَ عمل درآمد ءَ را ترند کنگ بہ بیت۔ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ آئی ءَ جمعہ ءِ روچ ءَ ملک ءَ آیوکیں بجلی ءِ پیداواری منصوبگ ، بجلی ءِ شوبگ ءُ  ھاسیں رنگ ءَ ٹرانسمیشن سسٹم ءِ ھوالگ ءَ گپ ءُ  تران کنان ءَ اے ھیالانی درشانی کت۔ مزن وزیر محمد شہباز شریف ءَ گوشت کہ بجلی ءِ پیداواری منصوبگ آنی واستہ بنجاہی وسیلگ آنی تہ ءَ اولیت دیگ بہ بیت۔ مزن وزیر ءَ گوشت کہ پن بجلی منصوبگ کم ھرچ ءُ درچ ءَ بجلی ءِ وسیلگ اَنت ایشی ءَ چہ صارف آناں چاگرد دوست ءُ ارزانیں بجلی رس ایت۔ آئی ءَ گوشت کہ بجلی ءِ استیں گنجائش ءَ را ھم سولر توان ءَ دیم دیگ بہ بیت، سرجمیں دگنیا ءَ چاگرد دوستیں کم ھرچیں سولر توان ءَ چہ بجلی پیداک کنگ بوھگ ءَ انت۔ آئی ءَ گیش گوشت کہ پاکستان یک وش بھتیں ملکے کہ ایشی ءِ تہ ءَ شمسی توان ءِ مزنیں گنجائش است انت۔ مزن وزیر ءَ را ناکارہ بجلی گس آناں ڈیکمیشن کنگ ءِ تہ ءَ پیشرفت ءِ بابت ءَ ھم سرپد کنگ بوت کہ ایشی ءَ چہ گیش ایندھن ءَ چہ کم بجلی پیداک بیت۔ مزن وزیر محمد شہباز شریف ءَ گوشت کہ پراھیں بجلی گس کہ گیش ایندھن ءِ گوما کم بجلی پیداک کن اَنت آ زوت بند کنگ بہ بنت، اے وڑیں بجلی گس آنی بند کنگ ءَ چہ نہ ایوک ءَ ایندھن ءِ درآمد کنگ ءِ سر ءَ ھرچ بوتگیں ارزشتی ایں درملکی زرّ ءِ بچت بیت بلکیں صارف ءِ واستہ بجلی ءِ ھم بچت بیت۔ ھم کم بیت۔ آئی ءَ ہدایت کت کہ اے وڑیں درستیں افسر آنی ھلاپ ءَ ترندیں گامگیج زورگ بہ بیت کہ آ زانت ءُ  زانگ ءَ بجلی ءِ شوبگ ءِ اصلاحات ءِ تہ ءَ رکاوٹ جوڑ کنگ ءِ کوشست ءَ کنگ ءَ اَنت ءُ  بجلی ءِ ٹرانسمیشن سسٹم ءِ تہ ءَ جاری اصلاحات آنی سر ءَ عمل کنگ ءَ را ترند کنگ بہ بیت بجلی ءِ ٹرانسمیشن سسٹم ءَ را نوکیں رنگ ءَ دیمروئی دیگ بہ بیت۔ مزن وزیر ءَ گیش ہدایت کت کہ بجلی ءِ پیداوار ءِ ھرچ ءُ  درچ ءِ رد ءَ کم ھرچ ءُ  درچ ءِ بجلی ءِ گچین کاری ءُ  ٹرانسمیشن ءِ واستہ نوکیں ٹیکنالوجی ءِ نظام ءِ سر ءَ عمل درآمد ءِ سر ءَ زوت عمل درآمد کنگ بہ بیت۔ مزن وزیر ءَ را ملک ءَ آیوکیں بجلی ءِ پیداواری منصوبگ، بجلی ءِ شوبگ ھاسیں رنگ ءَ ٹرانسمیشن سسٹم ءِ ھوالگ ءَ سرپد کت۔ دومی نیمگ ءَ نوکیں پیش کرتگیں بجلی منصوبگ، جاری منصوبگ آنی جوڑیشت ءِ ھوالگ ءَ پیشرفت ءُ  ملک ءَ بجلی ءِ شوبگ ءِ جاری اصلاحات آنی ھوالگ ءَ بریفنگ ھم دیگ بوت۔ ایشی ءَ ابید دیوان ءَ درآمد بوتگیں ایندھن ءِ سر ءَ کار کنوکیں بجلی گس آنی ھلاس کنگ ءُ  ٹرانسمیشن سسٹم ءِ اصلاحات ءِ ھوالگ ءَ پیشرفت ءِ گوما بجلی ءِ انوگیں لوٹ ءُ  گنجائش ءِ بابت ءَ ھم سرپدی دیگ بوتگ۔ مزن وزیر محمد شہباز شریف ءَ ہدایت کت کہ یک ٹھینگ بوتگیں وھد ءِ تہا بجلی ءِ شوبگ ءِ اصلاحات ءِ واستہ درستیں گامگیج سرجم کنگ بہ بنت۔ گند ءُ نند ءَ بنجاھی وزیر  احد خان چیمہ، سردار اویس احمد خان لغاری، ڈاکٹر مصدق ملک، وزیر مملکت علی پرویز ملک ءُ سیادی داروکیں مزنیں کارندہ آں بہر زرتگ۔