اسلام آباد۔13دسمبر (اے پی پی):بنجاھی حقوق ءِ وزارت ءَ راجی اسمبلی ءَ را ھال داتگ کہ سینئر سیٹزن ایکٹ 2021 ءِ سر ءَ عمل کنگ ءِ رھبند آناں گڈی رنگ دیگ بوھگ ءَ اِنت بنجاھی کابینہ ءِ آیوکیں دیوان ءَ منظوری دیگ بیت۔ پہ پیش کنگ بوتگ جمعہ ءِ روچ ءَ راجی اسمبلی ءَ جست ءُ پرس ءِ وھد ءَ سید آغا رفیول اللہ ءِ جست ءِ سر ءَ بنجاھی پارلیمانی سیکرٹری انسانی ھک صبا صادق ءَ گوشت کہ حکومت ءَ را سینئر سیٹزن آنی کار ءُ کرد، رول آنی تیاری، 2018 ءِ سفارش آنی تہ ءَ گیشتر دلگوش اِنت۔ متعلقہ ادارہ کمو تاخیر انت اے کار بوتگ، اے درگت ءَ کونسل جوڑ کنگ بوتگ، اے کونسل رھبنداں گڈی رنگ ءَ دنت۔ آئی ءَ گوشت کہ کابینہ ءِ آیوکیں دیوان ءَ رھبند آنی منظوری کنگ بیت، سینئر سٹیزن مئے واستہ سک باز المی اَنت سید رفیول اللہ ءَ یک ضمیمہ جست ءِ تہ ءَ گوشت کہ حکومت رھبند آنی جوڑیشت ءِ واستہ دل یکیمی بہ دنت، ایشی ءِ سر ءَ بنجاھی پارلیمانی سیکرٹری ءَ گوشت۔ گوشت کہ ایوان من ترا دل یکیمی کناں کہ اے ھاسیں جیڈھ زوتاں چہ زوت گیش ءُ گیوار کنگ بیت۔ آئی ءَ گوشت کہ مئے کوشست انت کہ سینئر سٹیزن آنی واستہ یک انچیں جتاھیں ءُ سرجمیں نظام ءِ جوڑ کنگ بہ بیت ایشی ءِ تہ ءَ جوانیں چاگرد بہ بیت، ازمکاری ءِ موہ بہ بیت ءُ گروپ جوڑ کنگ بہ بیت۔ ڈاکٹر تھوبیا ءَ وتی ضمیمہ ءِ جُست ءَ گْوشتگ کہ پنجاب ءَ سئے جنین آدم کُشگ بوتگ اَنت، آیا آ پنجاب ءِ وزارت ءَ چہ رپورٹ لوٹ اَنت؟ پارلیمانی سیکرٹری ءَ گوشت کہ ھرچ جاگہ ءَ کہ انسانی ھک آنی لگتمالی ءِ ھال رس ایت، انسانی ھک آنی دمگی کارگس گوں ھمگرنچیں ادارگ آنی گوما یکجاھی ءَ کار کن اَنت نہ ایوک ءَ انصاف ءِ رکگ ءَ بلکیں سرجمیں عدالت ءَ را دل یکیمی کنت۔
