اے پی پی ءِ تہ ءَ جعلی بھرتی کنگ ءِ   کیس ءَ آمید گس ءَ ارشد مجید  چوہدری ءَ ھوار   5 ملزم جوڈیشل ریمانڈ ءَ روان داتگ اَنت

اسلام آباد۔12دسمبر  (اے پی پی):سول جج جوڈیشل مجسٹریٹ احمد شہزاد گونڈل ءَ نیشنل نیوز ایجنسی ءَ جعلی بھرتی ءِ کیس ءَ مستریں ملزم ارشد مجید   چوہدری  ءَ ھوار   5 ملزم 14 روچ ءِ جوڈیشل ریمانڈ ءِ سر ءَ بندیگ کتگ۔ پنچ شمبے ءِ روچ ءَ بنجاھی   پٹ ءُ پولی ادارگ ءَ اے پی پی ءِ پیسریگیں اکاؤنٹس منیجر ارشد مجید  ءُ آئی ءِ زھگ تیمور ارشد،سعدیوسف ،  قیصر جواد اور فواد خان آمید گس ءَ  پیش کتگ ءُ   اے گوشتگ کہ   ملزم ءَ چہ ریکوری کنگ بوتگ، ملزم ءَ را جوڈیشل ریمانڈ ءَ ریمانڈ کنگ بہ بیت اے پی پی ءِ لیگل ایڈوائزر خرم بیگ ءَ اے موقف ءَ زرتگ کہ ملزم ءِ قبضہ ءَ چہ  گیش ریکارڈ برآمد کنگ پکار انت، ملزم ءَ را جسمانی رنگ ءَ دزگیر کنگ بہ بیت۔  فریقین ءِ دلیل آنی سرجمی ءَ پد آمید گس ءَ درستیں پنچیں ملزم جوڈیشل ریمانڈ ءِ سر ءَ جیل ءَ روان داتگ ایف آئی اے ءَ ملزم ءِ عبوری ضمانت ءِ رد کنگ ءَ پد آمید گس ءِ درگت ءَ دزگیر کتگ ات۔ ایف آئی اے ءَ راجی ھال رسانکی ادارگ اے پی پی ءَ جعلی بھرتی کیس ءِ ملزم ءِ حلاف ءَ ایف آئی آر درج کنگ ءَ پٹ ءُ پول بندات کتگ ات۔