اسلام آباد۔ 12 دسمبر (اے پی پی) بنجائی وزیر ڈٹ بندی ، شونداری ، اصلاحات و خصوصی گام گیج پروفیسر احسن اقبال پارینے کہ ملکی شونداری کن علامہ اقبال نا شونداری نا وژن ءِ سمجھنگ المی ءِ، پوسکن آ چین ءِ اقبال نا تعلیمات آتیان روشناس کرفنگ کن بنداوی و بڑزکو کہول اسکان تعلیمی نصاب ءِ ہم گرنچ کننگ نا گرج ءِ ۔ داخیال آتا درشانی ءِ او پنچ شنبے نادے آ فکراقبال نا شونداری وژن نا سرحال آ شرہ غان تران کرساکرے۔ اوپارے کہ پاکستان 1999اسکا ن زرگزرانی رداٹ سوگو ءُ ملک اس ئس، سیاسی نزوری و شونداری و پالیسی نا عدم تسلسل نا سوب آن نن ایلو ملک آتا مقابلہ ٹی پدی رہینگان، اقبال نا تصور قومیت قیام پاکستان نا سوب جوڑ مس۔ اوپارےکہ اقبال نا فلسفہ خودی ننے اسہ خودار، وتواجہ و زرگزرانی رداٹ سوگو مملکت اسے نا دروشم اٹ تینا تشخص ءِ قائم کننگ نا سلہ ایتک، اقبال صوفی و مذہبی شاعر و فلسفی اس الوکہ، اونا انقلابی شاعری روشنا خیال و شونداری پسند راج انا ٹہیفنگ نا مخ تف ءِ۔ اوپارے کہ اقبال نا فکر جمود نا جاگہ غا اجتہاد نا کسر ءِ اختیار کننگ نا کنڈآ راہشونی کیک، اقبال نا تعلیمات آتیا عملدرآمد کرسا ملک ءِ اکائی نا مانند یکجا کننگ مریک۔ اوپارے کہ ملکی شونداری کن علامہ اقبال نا شونداری نا وژن ءِ سمجھنگ المی ءِ، پوسکن آ چین ءِ اقبال نا تعلیمات آتیان روشناس کرفنگ کن بنداوی و بڑزکو کہول اسکان تعلیمی نصاب ءِ ہم گرنچ کننگ نا گرج ءِ۔
