اسلام آباد۔ 12 دسمبر (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ اسلامی مالیات و اسلامی کیپٹل مارکیٹ آتا پورو کچ آن فائدہ ہرفنگ کن اواری اٹ کاریم کننگ نا گرج ءِ۔ اوداہیت ءِ پنچ شنبےنادے آ کراچی ٹی ارٹ میکو اسلامی کیپٹن مارکیٹس کانفرنس و ایکسپو آن ورچوئل تران کرساپارے۔ وزیرخزانہ پارے کہ ملک اٹی اسلامی مالیات نا مون آ دننگ اٹ سیکورٹیز اینڈ …
اسلامی مالیات و اسلامی کیپٹل مارکیٹ آتا پورو کچ آن فائدہ ہرفنگ کن اواری اٹ کاریم کننگ نا گرج ءِ، وزیرخزانہ محمد اورنگزیب
گیشتریں ھال
اسلام آباد۔ 12 دسمبر (اے پی پی) بنجائی وزیر خزانہ و محصولات سینیٹر محمد اورنگزیب پارینے کہ اسلامی مالیات و اسلامی کیپٹل مارکیٹ آتا پورو کچ آن فائدہ ہرفنگ کن اواری اٹ کاریم کننگ نا گرج ءِ۔ اوداہیت ءِ پنچ شنبےنادے آ کراچی ٹی ارٹ میکو اسلامی کیپٹن مارکیٹس کانفرنس و ایکسپو آن ورچوئل تران کرساپارے۔ وزیرخزانہ پارے کہ ملک اٹی اسلامی مالیات نا مون آ دننگ اٹ سیکورٹیز اینڈ ایکسچینج کمیشن نا کڑد ستاکڑزک۔ نان بینک مالیاتی بشخ اٹی اسلامی مالیات نا بابت ریگولیٹری چاگڑد نا فراوانی، شریعہ گورننس فریم ورک اٹی ، شریعہ کمپلائنس صنعت، و اسلامی مالیاتی خذمت آتا فراوانی نا بابت ہم کمیشن تینا کڑد ءِ جوان وڑات ادا کننگ ءِ۔ وزیرخزانہ پارے کہ کمیشن مالیاتی معلومداری و کاریم نا کچ اٹی گچینی کن ہم کاریم کننگ ءِ و تدوک آ دے دابابت چار ہیلکاری ورکشاپ آتا اڈتننگ ستاکڑزک۔ اسلامی کیپٹل مارکیٹ آتا بابت سیکورٹیز اینڈ ایکسچینج کمیشن ءِ ہندا عزم و جوزہ اٹ کاریم کننگ نا گرج ءِ۔ اسلامی مالیات و اسلامی کیپٹل مارکیٹ آتا پورو کچ آن فائدہ ہرفنگ ک اواری اٹ کاریم کننگ نا گرج ءِ، دا بابت اسکالرز، مالیاتی ادارہ، ریگولیٹری ادارہ و انڈسٹری پریکٹیشنرآتے اواری اٹ کاریم کروئی مریک، پوسکن و اختراعی اسلامی مالیاتی مصنوعات آتا بابت ہم کاریم کروئی مریک تانکہ مخلوق نا گرج آتا رداٹ اوفتے اسلامی مالیاتی خذمت آتا فراوانی ءِ ممکن کننگ مرے۔
