اسلام آباد ۔ 12 دسمبر (اے پی پی) بنجائی وزیر داخلہ محسن نقوی تون تحریک انصاف پارلیمنٹرین نا بانی پرویز خٹک اوڑدہی کرے ہراٹی سیاسی امور، ملک انا جم حالیت آتون اوار ایلو تین پہ تینی است خواہی نا امور تیا گپ وتران کننگا۔ پرویز خٹک اسلام آباد اٹی برانز اٹی شرپسند آتا جلہو اٹی شہید پولیس و رینجرز کارندہ غاتا شہادت آ ڈکھیائی و است ہسونی نا درشانی ءِ کرے۔ ترجمان وزارت داخلہ نا رداٹ اوڑدہی ٹی خیبرپختونخوا ٹی امن وایمنی نا بابت گام گیج آتیا ہم گپ وتران کننگا۔ ہڑتوم آ راہشو ن تا پاکستان نا شونداری ٹی اڑاند شاغوک آ زموار آتا ڈٹ کر مقابلہ ءِ کننگ نا عزم انا درشانی ءِ کریر۔ وزیرداخلہ محسن نقوی پارے کہ پاکستان ننا غٹ انا ءِ و غٹ ءِ اواری اٹ اودے مون آ دروئی ءِ، الس بیرہ تینا ویل آتا ایسری ءِ خواہک۔اوپارے کہ پاکستان نا آخبت روشنا ءِ، دنیا نا اسہ طاقت اس ہم شونداری ءِ توننگ کپک۔
