بلوچستان ءِ دیمروئی ءُ مہلوک ءِ گہبودی مئے اولی کار انت، ما کوشست کنگ ءَ آں کہ آزات جموں ءُ کشمیر ءِ مہلوک ءَ را گیش ءَ چہ گیش ریلیف دیگ بہ بیت، مزن وزیر شہباز شریف

اسلام آباد۔11دسمبر  (اے پی پی):مزن وزیر محمد شہباز شریف ءَ گوشت کہ بلوچستان ءِ دیمروئی ءُ الس ءِ گہبودی مئے اولی ترجی انت ما کوشست کنگ ءَ ایں کہ آزات جموں ءُ کشمیر ءِ الس ءَ را گیش ءَ چہ گیش ریلیف دیگ بہ بیت۔ بیان ءِ رد ءَ بلوچستان ءِ گورنر جعفر خان مندوکھل ءَ مزن وزیر محمد شہباز شریف ءَ گوں گند ءُ نند ءِ تہ ءَ نائب مزن وزیر ءُ درئی کارانی وزیر اسحاق ڈارءُ پاکستان مسلم لیگ (ن) ءِ صدر آزات جموں کشمیر ءَ گوں گند ءُ نند کتگ۔ مراگش ءَ شاہ غلام قادر ھم ساڑی ات۔ مزن وزیر شہباز شریف ءَ گوشت کہ بلوچستان ءِ دیمروئی ءُ الس ءِ گہبودی مئے اولی ترجی انت گورنر بلوچستان ءَ مزن وزیر ءِ شگر ءُ منت گپت کہ آئی ءَ صوبہ ءِ دیمروئی منصوبگ آنی تہ ءَ ھاسیں دلگوشی داتگ۔ شاہ غلام قادر ءَ آزات جموں ءُ کشمیر ءِ توانائی ءِ جیڈھ آنی گیواری ءِ واستہ 23ارب کلدار ءِ پیکج پجاری ءِ پد ءَ مزن وزیر ءِ شگر ءُ منت گپت۔ مزن وزیر ءَ شاہ غلام قادر ءَ گوں تران کنان ءَ گوشت کہ آزات جموں ءُ کشمیر ءِ الس آناں گیش ءَ چہ گیش ریلیف رسگ ءِ واستہ وتی وس ءُ واک ءِ کوشست بہ کنت۔