ایف ایٹ انڈرپاسءِ  25 دسمبرآ لس ٹریفک کن ملنگک، بنجائی وزیر داخلہ محسن نقوی

اسلام آباد۔ 11 دسمبر (اے پی پی) بنجائی وزیر داخلہ محسن نقوی پارینے کہ ایف ایٹ انڈرپاس  ءِ 25 دسمبر آ لس ٹریفک کن ملنگک، انٹرچینج نا پورو مننگ آن پد فروری نا ارٹ میکو ہفتہ ٹی بناءِ کننگک۔ چارشنبے نادے آ وزیرداخلہ محسن نقوی ایف ایٹ ایکسچینج چوک انٹرچینج و سرینا چوک انٹرچینج پروجیکٹ آتا دورہ ءِ کرے۔ اوانڈرپاس ءِ بیرہ 43 دے اٹی پورو کننگ آ کنٹریکٹر و اسلام آباد انتظامیہ نا کارکڑد نا ستاءِ کرسا پارینے کہ ایف ایٹ ایکسچینج چوک انٹرچینج اٹی اوار انڈرپاس ءِ 25 دسمبر آ ٹریفک کن ملنگک۔ وزیرداخلہ محسن نقوی پارےکہ فروری نا ارٹ میکو ہفتہ ٹی ایف ایٹ ایکسچینج چوک انٹرچینج نا پورو بناءِ کننگک۔ سرینا چوک انٹرچینج نا جنوری نا اولیکو ہفتہ ٹی بناءِ کننگک ہرا بیرہ 60 دے اٹی پورو مریک۔ بنجائی وزیر داخلہ محسن نقوی ہڑتوم آ میگا پوجیکٹ آتیا تعمیراتی کاریم تا پیش رفت نا جاچ ءِ ہلک۔ وزیرداخلہ محسن نقوی ڈٹ آتا انڈرپاسز و فلائی اوورآتا تفنگ نا کاریم تا مشاہدہ ءِ کرے۔ اوپارت کرے کہ ہڑتوم آڈٹ آتے ہرحال اٹ تخوک آ مد اٹی پورو کننگے۔ وزیرداخلہ محسن نقوی نا ہڑتوم آ ڈٹ آتا سائٹ آتیاکاریم کروک آ ورکرآتون اوڑدہی کرے۔ وزیر داخلہ محسن نقوی ورکرآتے شاباشی تس و اوفتا است بڈی ءِ کرے۔ وزیر داخلہ محسن نقوی نا غٹ ورکرز، کنٹریکٹر و سی ڈی اے ءِ ہندا جوش و جوزہ اٹ کاریم ءِ برجاتخنگ نا پارت کرے۔ چیئرمین سی ڈی اے محمد علی رندھاوا ہڑتوم آ پروجیکٹ آتیا پیش رفت نا بارواٹی حوال تس۔ ڈپٹی کمشنر اسلام آباد۔ سی ڈی اے نا سینئر آفیسر و کنٹریکٹرآک ہم داوخت آ ساڑی ئسر۔