اسلام آباد۔ 11 دسمبر (اے پی پی) بنجائی وزیر کانود اعظم نذیر تارڑ پارینے کہ لشکر کشی نا جاگہ غا پارلیمان اٹ ویل آتے ہرفنگ جوان ءُ وڑوڈول اسے و داچرجوئی بایدے برجاسلے۔ چارشنبے نادے آ قومی اسمبلی نا دیوان اٹی اپوزیشن لیڈر عمرایوب خان و ایلو باسک آتا کنڈآن چست کروک آ ٹک آتا ورندی ءِ ترسا اوپارےکہ رولز آف بزنس نا رداٹ پارلیمانی سیکرٹری وزیر نا ساڑی مفننگ اٹی سوج آتا ورندی ءِ تننگ کیک۔ نن تندہی اٹ کاریم کننگ اُن و گڑتی تے حکومت آ سرکننگک۔ اوپارےکہ لشکرکشی نا جاگہ غا پارلیمان اٹ ویل آتے ہرفنگ جوان ءُ وڑوڈول اسے ، ملک ءِ ویل آتیان کشنگ کن اواری اٹ کاریم کننگ نا گرج ءِ۔ ای ماہر معاشیات تو افٹ ولے گڑاس گڑاتے سہی کننگ المی ءِ۔ پی ٹی آئی نا دور اٹی اسٹیٹ بینک ءِ وتواجہ کننگ کن کانود جوڑ کننگا۔ کبینی کم مسنے تو اونا نتیجہ ٹی پالیسی ریٹ اٹی کمتی مسنے۔ تنقید کننگے ولے جوان انگا گام گیج آتا ستاءِ ہم کننگے۔ اوپارے کہ اسٹاک ایکسچینج اٹی گچینی بسنے ، وزیراعظم ہڑدے اِرٹ آن مسہ دیوان زرکاری و زرگزران نا بابت کننگ ءِ، اسٹیٹ بینک درو ہرا حساب وکتابءِ جاری کرینے اوڑآن حکومت نا پالیسی و کارکڑد انا عکاسی مننگ ءِ۔ داکان مست قائد حزب اختلاف عمرایوب خان پارے کہ حکومت نا دعوی تیان چپ افراط زر انا کچ اٹی کمتی بفننگ ءِ، اوپارے کہ ریونیو ٹی نمو کم ءِ، حسابات جاریہ نا کھاتہ غاتے توازن اٹ تخنگ کن درآمد آتیا پابندیک ءُ۔
