اسلام آباد۔ 11 دسمبر (اے پی پی) قومی اسمبلی ءِ پاننگاکہ کورین ایگزم بینک انا کمک اٹ چکدرہ آن چترال اسکان سڑک نا تفنگ آ نمان پیش رفت مننگ ءِ۔ معمول نا تفنگ وجوڑجاڑ کن 446 ملین روپئی نا فنڈ جاری کننگانے۔ چارشنبے نادے آ قومی اسمبلی نا دیوان اٹی صاحبزادہ صبغت اللہ و ایلوفتا چکدرہ آن چترال روڈ انا خستہ حالیت نا بابت چکاری نوٹس آ پارلیمانی سیکرٹری گل اصغرخان پارےکہ 111 کلومیٹر سڑک چکدر ہ آن دیراسکان ءِ، ہرانا معمول نا تفنگ وجوڑ جاڑ داڑکن 466ملی روپئی فنڈ جاری کننگا۔ اوپارے کہ مریس المعیاد بنداوتیا کورین ایگزم بینک انا کنڈآن مسہ سیکشن آتا درجہ بندی ءِ کننگانے۔ چکدرہ آن تیمرگرہ اسکان 500 ملین ڈالر، اخگرام دیر اسکان 120.5 ملین ڈالر و دیر آن چترال اسکان نا سیکشن کن پین 500 ملین ڈالر نا فنڈ جتا کننگانے۔ صاحبزادہ صبغت اللہ نا سوج آ اوپارےکہ سیکشن تھری نا ٹینڈر اسہ تُواٹی مریک، محبوب شاہ نا سوج آ او پارےکہ این 45 اہم شاہراہ ءِ، دانا تفنگ وجوڑ جاڑ کن ٹینڈر نا سرجم آتیان ایوان ءِ معلومدار کننگک۔ اوپارےکہ ایگزم بینک انا وام ہلنگ نا بابت مریس سلابت مس و اوکان پد دا وام ہلنگ نا فیصلہ ءِ کننگانے۔
