پولیو تون اوار غٹ ناجوڑی تا ویکسین نا ہر چنااسکان فراوانی ءِ پک کننگک، ڈاکٹر مختار احمد بھرتھ

اسلام آباد۔ 11دسمبر (اے پی پی) وزیراعظم نا کوآرڈی نیٹر جان جوڑی ڈاکٹر مختار احمد بھرتھ پارینے کہ پولیو تون اوار غٹ ناجوڑی تا ویکسین نا ہرچنااسکان فراوانی ءِ پک کننگک، حکومت چناتے متعدی ناجوڑی تیان رکھ کننگ کن غٹ وسیلہ غاتے کاریم اٹ اتیک۔ وزارت جان جوڑی آن جاری بیان نا رداٹ داپارت ءِ او چارشنبے نادے آ تینا کماشی ٹی چناتا ویکسی نیشن پروگرام گچینی کن سٹیرنگ کمیٹی نا اولیکو دیوان اٹی تس۔ دیوان اٹی فیڈرل سیکرٹری ہیلتھ و ڈی جی ہیلتھ ہم ڈبلیو ایچ او، یونیسیف نا سروک ، سی ڈی سی نا سٹیریٹجک ایڈوائزر، و ہرچار آ صوبہ غاتا ڈی جی ہیلتھ آک بشخ ہلکر۔ دیوا ن اٹی قومی پروگرام رکھی ٹیکہ جات و پولیو پروگرام ساڑی آ حالیت و برجاگام گیج آتیان معلومدار کننگا و پاننگاکہ داسال نا رپورٹ مروک آ پولیس کیس آتیٹی 60 درسد چناتے روٹین امیونائزیشن نا ہچ ءُ ویکسین اس لگتنے، ہرانا سوب آن چناتیٹی مرض انا شدت ہم مون آ بسنے۔ دیوان اٹی ڈاکٹر مختار احمد بھرتھ دابابت جان جوڑی نا بنجائی و صوبائی کمامدار آتے دمدستی گام گیج کننگ نا پارت کرے۔ اوپارےکہ پولیو تون اوار غٹ ناجوڑی تا ویکسین نا ہر چنااسکان فراوانی ءِ پک کننگے۔ پولیو آن زہمی ضلع غاتیٹی ای پی آئی و پولیو پروگرام اسیجائی حکمت عملی اس جوڑ کیر و پولیو ورکرآک بروک آمہم اٹی رکھی ٹیکہ جات آن محروم چناتا پیدواری ءِ کیر۔ اومستی پارے کہ ای پی آئی نا ویکسین سینٹر دا چناتا ویکسی نیشن نا کورس ءِ پورو کننگ نا زموار مریک۔ حکومت پاکستان چناتے متعدی ناجوڑی تیان رکھ کننگ کن غٹ وسیلہ غاتے کاریم اٹ اتیک۔