چاگڑدی رکھ اکن آگاہی ءِ مون آ دننگ نا گرج ءِ، مچ آ پاکستان اٹی قومی منشاکار فورس اس جوڑ کننگ انگ ءِ، رانا مشہود احمد خان

اسلام آباد۔ 11 دسمبر (اے پی پی) وزیراعظم یوتھ پروگرام نا چیئرمین رانا مشہود احمد خان پارینے کہ چاگڑدی رکھ اکن آگاہی ءِ مون آ دننگ نا گرج ءِ، مچ آ پاکستان اٹی قومی منشاکار فورس جوڑ کننگ انگ ءِ، پاکستان نا شمار موسمیاتی بدلی آن غٹ آن زیات زہمی ملک آتیٹی مریک، جامعہ غاتا طالب علم آتون اواری اٹ گرین پاکستان موومنٹ اس چلیفنگ اُن۔ داخیال آتا درشانی ءِ اوچارشنبے نادے آ مش تا جہانی دے انا وخت آ دود آن تران کرساکرے۔ رانا مشہود احمد خان پارے کہ پاکستان نا 61 درسد علاقہ مش تیا تالان ءِ، ننا ملک صحرا، میدان، جنگل، مش تیان مالامال ءِ۔ اوپارے کہ ملک ءِ چیلنج مون تروک ءِ، ریاستی ادارہ غاتا برخلاف بھاز گندہ ءُ مہم  چلیفنگ انگ ءِ، پاک فوج انا ورناک ملکی سیم تا رکھ اکن قربانی تننگ ءُ۔ اوپارےکہ اسہ قوم اسے آنبار یکجا مرسا پاکستان نا برخلاف سازش آتا ورندی ءِ تروئی ءِ، حکومت ہرسازش ءِ بے سہب کننگ ءِ ، پاکستان ءِ کس اسے کن آزموندہ نا جاگہ اس جوڑ مننگ کن الیپنہ۔ غٹ ءِ اواری اٹ ملک انا شونداری و شونہالی کن کڑد ادا کروئی مریک۔ اوپارے کہ پاکستان نا دشمن بے سہب مریرہ، ملک انا ورناتا آخبت روشنا ءِ۔ ملک انا سافٹ امیج کن ورناک ہراول دستہ مریر۔ اوپارے کہ پرائم منسٹر یوتھ پروگرام یونیورسٹیز آتون اواری اٹ گرین پاکستان مہم اس چلیفنگ ءِ۔ سیل و سوات ہموتم مریک ہراتم سوگوی مریک۔ اوپارےکہ ذہن ءِ آلودہ کننگے تو اونا اثرآک گچین مفسہ۔ ہراتم سیمک رکھ مفسہ تو حالیت آک گچین مفسہ۔ پاکستان اٹی گھٹیاءُ مہم اس چلیفنگ انگءِ۔ رانا مشہود احمد خان پارے کہ ننا دشمن ہنداخواہک کہ پاکستان نا ھالیت آک اسُل سہی مفس ، ورناتے فیصلہ کروئی ءِ کہ او ملک انا شونہالی ءِ خوارہ یا او پروپیگنڈانا گواچی مرسا آخبت ءِ بھس کننگ خوارہ، نیشنل یوتھ پالیسی ایمپلائمنٹ  اولیکو وار اتنگ انگ ءِ۔ آئی ایم ایف و فیک نیوز آتون اوار ایلو ایشوتا مقابلہ ءِ کننگ اُن۔ پاکستان اٹ کیہی سال آن پد ارب آ ڈالر نا زرکاری بننگ ءِ۔