اے این ایف ملک گیر انسداد منشیات آپریشن آتیٹی 9 دوبہ دار آتے دزگیرکرے

راولپنڈی۔ 11 دسمبر (اے پی پی) اے این ایف منشیات اسمگلنگ نا برخلاف تعلیمی  ادارہ و ملک انا چندی شار تیٹی برجاکریک ڈاؤن اٹی 5 کارروائی تیٹی 9 دوبہ دار آتے دزگیرکرے۔ اے این ایف ہیڈکوارٹرراولپنڈی آن جاری 24 گھنٹہ نا انسداد منشیات کارروائی تا سرجم حوال آتا رداٹ داکارروائی تیٹی 42 لکھ روپئی آن زیات مالیت نا 43.695 کلوگرام منشیات دوئی کننگا۔ پشاور اٹی پنی آ یونیورسٹی نا خڑک اِرا دوبہ دارآتیان 6 کلوگرام چرس دوئی کننگا۔ اٹک اٹی اسکول نا خڑک اوغان باتی اسے آن 300 گرام چرس دوئی کننگا۔ کوئٹہ ٹی پارک انا خڑک کمپیوٹراٹی اودیم کروک 120 نشئی ءُ گولی دوئی کرسا اسہ دوبہ دار اسے دزگیرکننگا۔ ترجمان پارےکہ دزگیر دوبہ دارآک تعلیمی ادارہ غاتا طالب علم آتے منشیات بہاکننگ ناامناہم کرینو ۔ اسلام آباد انٹرنیشنل بالی پٹ آ دوحہ غا ہنوک آ مسافر اسے نا گڑاتیان 1.332کلوگرام آئس دوئی کننگا۔ شبیر شریف روڈ لاہور اٹی گاڈی اسے ٹی اودیم کروک 32.4 کلوگرام چرس و 3.6 کلوگرام ہفیم دوئی کننگا۔ کارروائی ٹی 4 دوبہ دار آتے موقع غا دزگیرکننگا۔ ترجمان پارے کہ دزگیر دوبہ دار آتا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔