اسلام آباد۔10دسمبر (اے پی پی): صدر آصف علی زرداری ءَ گوشت کہ درستیں چیلنج آنی باوجود ما انسانی ھک آنی رکھینگ ءُ لگتمالی آنی گیواری ءِ واستہ کانودی، اقتصادی ءُ چاگردی فریم ورک ءِ سر ءَ عمل کنگ ءِ واستہ جزم آں، پاکستان , صوبائی حکومت، اقوام متحدہ ءِ ادارگ آنی گوما کار کنگ ءَ ایں ۔ ءُ سول سوسائٹی ءِ گل آنی کمک ءَ چہ نزوریں چاگرد آنی رکھینگ ءِ ھاترا پاکستان وتی میاں اوستمانی ذمہ واری آناں پیلو کنگ ءُ مردمانی ھک آنی رکھینگ ءِ ھاترا قانونی ءُ انتظامی اصلاحات آنی سر ءَ عمل کنگ ءَ برجاہ اِنت۔ صدر ءِ مملکت ءَ اے ھیالانی درشانی 10دسمبر 2024ءَ انسانی ھکانی میاں اوستمانی روچ ءِ موہ ءَ وتی پیغام ءِ تہ ءَ کت۔ آئی ءَ گوشت کہ مرچی ما انسانی ھک آنی میاں اوستمانی روچ ءَ برجم دارگ ءَ ایں تانکہ چاگرد ءِ ھمک تک ءُ پھنات ءَ انسانی ھک آنی دیمروئی ءُ رکھینگ ءِ واستہ وتی جزم ءِ پدا پدر کنگ بہ بیت۔ صدر ئِ مملکت ئَ گوشت کہ پاکستان ئِ آئین ئَ توامیں شہری آناں بنیاتی ھک آنی ضمانت داتگ ءُ ما انسانی ھک آناں سہرا کنگ ئَ چہ وتی راج ئَ توانمند کنئگ ئَ جزمیگ آں۔ آئی ءَ گوشت کہ پاکستان زالبول، زھگ، سینئر سٹیزن، ھاسیں مردم ءُ اقلیت ءَ ھوار چاگرد ءِ توامیں تک ءُ پھنات آنی ھک آنی رکھینگ ءِ ارزشت ءَ را سرجمی ءَ سرپد اِنت۔ صدر ئِ مملکت ئَ گوشت کہ من اے گپ ئِ سر ئَ پکّائیں باور ئِ کناں کہ جمہوریت، امن، آجوئی ءُ انسانی ھک ئِ یک دومی ئَ گوں نزیکی ئَ اَنت ءُ یک مھکمیں ءُ وشھالیں ملک ئِ جوڑ کنگ ئِ واستہ الس آنی ھک آنی رکھینگ المی اِنت۔ صدر ءِ مملکت ءَ گوشت کہ توامیں چیلنج آنی باوجود ما انسانی ھک آنی رکھینگ ءُ لگتمالی آنی گیواری ءِ واستہ کانودی، اقتصادی ءُ چاگردی فریم ورک ءِ سر ءَ عمل کنگ ءِ واستہ جزم آں، پاکستان، صوبائی حکومت، اقوام متحدہ ءِ ادارگ ءُ سول سوسائٹی ءِ گل آنی گوما یکجائی ءَ ۔ ، آسیب پذیریں کمیونٹیز ءِ رکھینگ ءِ ھاترا کار کنگ ءَ انت۔ آئی ءَ گوشت کہ نیشنل کمیشن فار ہیومن رائٹس، وومن امپاورمنٹ پیکج، ایکشن پلان فار ہیومن رائٹس ءُ ٹول فری ہیومن رائٹس ہیلپ لائن (1099) ءِ وڑیں گامگیج انسانی ھک آنی رکھینگ ءِ واستہ پاکستان ءِ جزم ءِ درشان انت۔ پاکستان وتی میاں اوستمانی ذمہ واری آنی پیلو کنگ ءُ الس آنی ھک آنی رکھینگ ءِ واستہ مدام کانودی ءُ انتظامی اصلاحات کنگ ءَ اِنت۔ آصف علی زرداری ءَ گوشت کہ انسانی ھک آنی میاں اوستمانی روچ ءَ ما ناجائزیں رنگ ءَ مقبوضہ بھارتی مقبوضہ جموں ءُ کشمیر ءَ وتی برات ءُ گہار آناں شموشکار مہ بئیں کہ آ ریاستی ناشرکاری ءِ بدترین رنگ آنی آماچ بوتگ اَنت ءُ آ وتی چاگردی ھک آنی تہ ءَ چہ زبھر کنگ بوتگ اَنت , چہ سیاسی ءُ اقتصادی حقاں زبھر کنگ بوھگ ءَ اِنت۔ آئی ءَ گوشت کہ ما اسرائیل ءِ نیمگ ءَ غزہ ءُ ایندگر مقبوضہ فلسطین ءِ دمگ آنی تہ ءَ فلسطینی راج ءِ نسل کشی ءُ کشتار ءَ را سک باز مذمت کن ایں ما میاں اوستمانی براتی ءَ را فلسطین ءَ اسرائیل ءِ زوراکی ءِ ھلاسی ءِ واستہ عملی گامگیج آناں زور دئیں۔ مملکت ءِ صدر ءَ گوشت کہ مرچی بیا اِت کہ ما انسانی ھک آنی رکھینگ ءُ دیمروئی ءِ واستہ وتی یکجاھیں ذمہ واری ءِ پیلو کنگ ءِ واستہ عہد بہ کن ایں تانکہ برابری، انصاف ءُ انسانی شرپ ءِ سر ءَ بنیات ءِ چاگرد ءِ جوڑ کنگ بہ بیت۔
