اسلام آباد۔10دسمبر (اے پی پی): مزن وزیر محمد شہباز شریف ءَ گوشت کہ سول نافرمانی ءِ لوٹ پاکستان ءِ گوما مزنیں دژمنی ءِ سوب جوڑ بوت کنت پمیشکا سیاسی استحکام ناگزیر اِنت، اسلام آباد ءِ سر ءَ اُرش کنوکیں بدکار آناں رکّینگ بیت، یلہ کنگ ءِ میکانزم۔ شام ءَ بندیں پاکستانی آنی پیسلہ کنگ بہ بیت۔ سئے شمبے ءِ روچ ءَ بنجاھی کابینہ ءِ دیوان ءَ گوں گشتانک دیان ءَ مزن وزیر محمد شہباز شریف ءَ گوشت کہ گوستگیں لھتیں روچ آنی تہ ءَ شام ءِ جاور ھال سرجمی ءَ بدل بوتگ اَنت۔ پاکستان اے جاوراں بے پرواہ بوتگ اے وھد ءَ شام ءَ 250 زائر ءُ دگہ 300 پاکستانی ھست انت۔ اے گپ ءَ ابید بازیں پاکستانی ھاندان سالانی سال اِنت کہ اودا نشتگ اَنت۔ شام ءَ بندیں پاکستانی آنی درکنگ ءِ ھوالگ ءَ نائب مزن وزیر ءُ پاکستان ءِ شام ءِ تر ءُ تاب ءَ متحرکیں کرد پیلو کتگ۔ گوستگیں روچ ءَ گوں پاکستانی ڈل ءَ گند ءُ نند بوتگ اَت ۔ اے مردماں لبنان ءِ روڈ ءِ وسیلگ ءَ ءُ رفیق حریری بالی پٹ ءَ چہ چارٹرڈ فلائٹ ءِ وسیلگ ءَ پدا آرگ بوت کنت۔ منی ممبا ءَ گوستگیں روچ ءَ لبنان ءِ مزن وزیر ءَ گوں اے درگت ءَ گپ ءُ تران کتگ۔ ریاض ءَ سعودی ولی عہد ءِ دعوت ءِ سرا جاب منے گٹ تو مرائی ءَ لبنان ءِ مزن وزیر ءَ گوں ہم گند ءُ نند کتگ۔ آئی ءَ پاکستان ءِ الس ءُ حکومت ءِ واستہ وتی دل ءِ جہلانکیں جزبگ ءِ درشانی کت ءُ پاکستان ءِ نیمگ ءَ دیم داتگیں کمک ءِ واستہ ھم شگر ءُ منت واری ءِ درشان کت۔ لبنان ءِ مزن وزیر ءَ شام ءَ بندیں پاکستانی آناں فوج ءِ وسیلگ ءَ چہ در کنگ ءِ واستہ وتی ھرچ وڑیں کمک ءِ پیشکش کتگ۔ آئی ءَ اے درگت ءَ سیادی داروکیں واکداراں ھم پرمان داتگ۔ اے رنگ ءَ شام ءَ بندیں پاکستانیانی درکنگ ءِ میکانزم ءِ پیسلہ کنگ بیت۔ مزن وزیر ءَ ھپتگی افراط زر ءِ انڈیکس 3.7درسد ءَ چہ کم بوھگ ءِ سر ءَ اللہ تعالیٰ ءِ شگر ءُ منت گپت ءُ گوشت کہ اقتصادی استحکام ءُ دیمروئی ءِ واستہ استحکام ءُ امن ءُ ایمنی المی انت۔ مزن وزیر ءَ کبین ھات ءَ گوشت کہ گوستگیں روچ ءَ آذربائیجان ءِ تر ءُ تاب ءِ گوما ھم گند ءُ نند بوتگ۔ فروری ءَ پاکستان ءِ مزن وزیر آذربائیجان ءِ تر ءُ تاب ءَ کنت ءُ پاکستان ءَ آذربائیجان ءِ 2 ارب ڈالر ءِ سرمایہ کاری ءِ ھوالگ ءَ منّگ بنت۔ مزن وزیر ءَ گوشت کہ حکومتی کوشست ءُ گامگیج آنی پد ءَ معاشی جاور ھال جوان بوھگ ءَ انت۔ سرسی ءِ استحکام پہ ایشی ءَ المی اِنت۔ امن ءُ ایمنی ءِ بابت ءَ گوستگیں روچ ءَ دیوان ھم برجم دارگ بوتگ کہ ایشی ءِ تہ ءَ من ھدایت کتگ کہ اسلام آباد ءِ سر ءَ اُرش کنگ ءِ ناپاکیں کوشست ءُ اسلام آباد ءِ سر ءَ ھرابکاری ءِ سازش ءَ گوں شواہداں ھواریں مردمانی ھلاپ ءَ کارروائی کنگ بہ بیت اے بیت ءُ آ رکینگ نہ بنت۔ ہر وڑیں جاوراں ءُ ہچ بے گناہیں مردم ءَ را تاوان نہ رسیت۔ زرّ دیم دیگ ءِ تہ ءَ ریکارڈ گیشی ءِ سر ءَ دل یکیمی ءِ درشان کنان ءَ مزن وزیر ءَ گوشت کہ اے دگہ ملک آنی تہ ءَ پاکستانی آنی دل یکمی ءِ نشانی اِنت، آ حلال رزق ءِ واستہ شپ ءُ روچ محنت کن اَنت ءُ وتی زرّ آناں وتی ملک ءَ واتر کن اَنت۔ مزن وزیر ءَ سول نافرمانی ءِ لوٹ ءَ را بدقسمتی لیک اتگ کہ ایشی ءَ چہ پاکستان ءَ گیش دژمنی ءِ سبب جوڑ بوت کنت۔ مزن وزیر ءَ اے امیت سہرا کت کہ اقتصادی جاور ھال آنی گہتری ءَ گوں پاکستان ءَ وتی پوزیشن ءَ را المی ءَ رس ایت۔
