سینیٹر عرفان صدیقی ، صدیق الفاروقی نا جان پڑسی ءِ کرے

اسلام آباد۔ 10 دسمبر (اے پی پی) وزیراعظم شہباز شریف نا نمائندگی ءِ کرسا سینیٹ اٹی پارلیمانی پارٹی لیڈر سینیٹر عرفان صدیقی سے شنبے نادے آ پاکستان مسلم لیگ (ن) نا مسکوہی سیکرٹری حوالکاری صدیق الفاروق نا اُراغا ہنا و وزیراعظم نا کنڈآن صدیق الفاروق نا جان پڑسی و مزاج پڑسی ءِ کرے۔ سینیٹر عرفان صدیقی وزیراعظم شہباز شریف نا کنڈآن صدیق الفاروق ءِ گلدستہ اس پیش کرساپارے کہ وزیراعظم ءِ نا جان جوڑی نا بابت گڑتی ءِ و اودا چرجوئی ٹی نا درمان کن ہرممکن آسراتی  فراوان کننگ نا پارت کرینے۔ وزیراعظم دعاکرے کہ اللہ تعالیٰ نے زوت پورو دراخ جوڑ کے و نی مست آنبار مسلم لیگ (ن) کن متحرک کڑد ادا کہ۔ سینیٹر عرفان صدیق الفاروق نا اُرائی و مسڑ ءِ پارے کہ او صدیق الفاروق نا جان جوڑی نا بابت معلومدار تخر و خذمت اسے نا گرج مرے تو رابطہ کیر۔ صدیق الفاروق وزیراعظم نا کنڈآن نیک است خواہی و جان جوڑی کن دعاتیا منت واری ءِ ہرفسا پارےکہ کنا کنڈآن وزیراعظم شہباز شریف ءِ مبارک باد پیش کہ کہ او بھاز مشکل حالیت آتیٹی قوم انا کشتی ءِ سنبھالانے و سخت خواری نا کمک اٹ پاکستان نا زرگزران ءِ گچینی نا کنڈآ درینے۔ اوسینیٹر عرفان صدیقی نا بننگ آ ہم اونا منت واری ءِ ہرفے۔