قوم وطن عزیز نا بقاء کن تینا جون تے ندر کروک آ عظیم شہید آتا قربانی تے اسُل است آن دپک، وزیراعظم شہباز شریف

اسلام آباد۔ 10 دسمبر (اے پی پی) وزیراعظم محمد شہباز شریف پارینے کہ پاکستانی قوم وطن عزیز نا بقاء کن تینا جون تے ندر کروک آ عظیم شہیدآتا قربانی تے اسُل است آن دپک۔ سے شنبے نادے آ سوار محمد حسین شہید نشان ءِ حیدر نا 53 می یوم شہادت آ اودے خراج عقیدت پیش کرسا وزیراعظم پارے کہ سوار محمد حسین شہید نشان ءِ حیدر 1971نا جنگ اٹی بے مٹ بہادری و جیرت نا درشانی ءِ کرے و دشمن نا پیدواری ءِ کرسا ٹینک شکن توپ آتے ات دشمن نا 16 ٹینک آتے بھس کننگ اٹ اہم ءُ کڑد اس اد اکرے۔ وزیراعظم پارے کہ سوار محمد حسین شہید نشان ءِحیدر تینا کسبی عسکری مہارت اٹ دشمن نا طاقت نا نشہ و عددی برتری نا غرور ءِ مش تا کرے و جیرت و بہادری نا مثال اس ہلسا وطن عزیز نا خاطر تینا جون ءِ ندر کرے۔ اوپارے کہ سوار محمد حسین شہید ناوطن نا رکھ اکن بدل مفروک عزم و عہد وفا ءِ پورو کرسا شہیدی نا جام ءِ نوش کننگ نا عمل بروک آچین تیکن قابل تقلید درور اسے۔ کنتون اوار مچ آ قوم ءِ تینا شہید و اوفتا خاہوت آ گمر ءِ۔ وزیراعظم پارے کہ پاکستانی قوم وطن عزیز نا بقاء کن تینا جون تے ندر کروک آ عظیم شہید آتا قربانی تے اسُل است آن دپک۔