اسلام آباد۔9دسمبر (اے پی پی): صدر آصف علی زرداری ءَ گوشت کہ کرپشن ءَ چہ آزات دود ءُ ربیدگ ءِ جوڑ کنگ ءِ واستہ مارا اجتماعی روی ءُ لیکہ بدل کنگی انت صدر ءِ مملکت ایوان ءِ پریس ونگ ءِ رد ءَ صدر آصف علی زرداری ءَ اے ھیالانی درشانی کتگ ات ۔ انسداد بدعنوانی ءِ میاں اوستمانی روچ ءِ موہ ءَ آئی ءِ پیغام۔ آئی ءَ گوشت کہ ما کرپشن ءِ تباہ کنوکیں ءُ سرجمیں آسر آنی بابت ءَ سرپدی دیگ ءِ واستہ مرچی ما انسداد بدعنوانی ءِ جھان ءِ روچ ءَ برجم دارگ ءَ ایں ۔ اے روچ کرپشن ءِ ھلاپ ءَ جنگ، شفافیت ءُ احتساب ءِ دیمروئی ءِ ھاترا درستیں راج آنی ذمہ واری ءِ یات ءَ دنت۔ اے روچ پاکستان ءَ ھوار اقوام متحدہ ءِ اینٹی کرپشن کنونشن ءِ ایندگر باسکیں ملک آنی نیمگ ءَ کرپشن ءِ ھلاسی ءِ واستہ برجاھیں کوشست آنی رد اِنت۔ کرپشن لس مھلوک ءِ اعتماد ءَ را ھراب کنت ءُ وسیلگاں زوال کنت ءُ ھمے رنگ ءَ چاگردی ءُ اقتصادی دیمروئی ءَ را ھم تاوان دنت۔ مرچی ما کرپشن ءِ ھلاسی ءُ گورننس ءِ تہ ءَ شفافیت ءِ دیمروئی ءِ واستہ احتساب ءِ سختیں گامگیج آنی سر ءَ عمل کنگ ءِ وتی جزم ءِ پدا پدر کن ایں ۔ صدر ئِ مملکت ئَ گوشت کہ سال آنی تہ ئَ پاکستان ئَ انسداد بدعنوانی ئِ میاں اوستمانی فریم ورک آنی رژنائی ئَ ھاسیں گامگیج چست کتگ ءُ جوانیں احتساب نظام ئِ جوڑ کتگ۔ بلے انگت بازیں کارے کنگ لوٹ ایت ءُ مارا وتی چاگرد ءَ چہ کرپشن ءِ عادت ءِ ھلاسی ءِ ھاترا وتی کوشستاں برجاہ دارگی اِنت نیشنل اکاؤنٹیبلٹی بیورو ملک ءِ سرجمیں اینٹی کرپشن ادارگ اِنت ایشی ءَ ابید پٹ ءُ پول ءُ مقدمہ ءِ دیم ءَ آرگ ءِ ادارگ اِنت۔ اے وتی تاوان باریں اثرات ءِ بابت ءَ الس ءَ را سرپدی دیگ ءِ تہ ءَ ھم مرکزی کرد پیلو کنگ ءَ اِنت رکّینگ ءِ وسیلگ ءَ کرپشن ءِ ھلاسی ھم نیب ءِ یک ھاسیں ذمہ واری یے ۔ بلے یک ادارہ ءِ کوشستاں چہ کرپشن ءِ ھلاپ ءَ جنگ ءِ سوبمند بوھگ ممکن نہ اِنت۔ کرپشن یک مزنیں چیلنجے ءُ ایشی ءِ پیچیدگی ریاست ءِ درستیں ستوناں چہ موثریں کوشست ءُ کرپشن ءِ بُنکی سببانی نیمگ ءَ دلگوشی ءِ لوٹ کن اَنت “یکجاھی ءَ چہ کرپشن ءَ چہ آزاتیں آیوکیں وھد ءِ جوڑ کنگ” ءِ رد ءَ اے المی اِنت کہ چاگرد ءِ ھر تبک ، ھاسیں رنگ ءَ راج ءِ … ورنا، سول سوسائٹی ءُ شھمک ی یکجاھی ءَ کرپشن ءِ ھلاسی ءِ ھاترا کار کن اَنت۔ آہاں انسداد بدعنوانی ءِ کوشست آنی تہ ءَ سرگرمیں رنگ ءَ بھر زوری کنگ ءِ ضلورت اِنت، احتساب ءِ دود ءُ ربیدگ ءَ را دیم ءَ برگ ءُ انسداد بدعنوانی ءِ نظام ءَ را گہتر کنگ ءِ واستہ سوج دیگ لوٹ ایت۔ مارا وتی اجتماعی رویہ بدل کنگی انت کہ ھمک تک ءُ پھنات ءَ کرپشن ءَ چہ پاکیں دود ءُ ربیدگ ءِ جوڑ کنگ بہ بیت۔ یکجائی ءَ ما اے گپ ءَ را دل یکیمی کنگ ءَ ایں کہ السی وشھالی ءِ واستہ ایر کنگ بوتگیں وسیلگ آناں وتی جائزیں مول ءُ مراد ءِ واستہ کارمرد کنگ بہ بیت ءُ درستیں شھمک ی شفاف ءُ موثر حکومت داری ءِ میوہ آناں چہ فائدگ چست بہ کن اَنت صدر ءَ گوشت کہ مارا شفافیت ءُ یکوئی ءِ چاگرد ءِ ضلورت اِنت تانکہ یکجائی ءَ کار کنگ بہ بیت۔ یک مستقبلے کہ اودا کردار سازی مئے چاگرد ءِ تہا مرکزی حیثیت داریت۔
