اسلام آباد۔9دسمبر (اے پی پی):ایسوسی ایٹڈ پریس آف پاکستان کارپوریشن ءِ تہ ءَ ناجائزیں بھرتی ءِ اسکینڈل ءِ سر ءَ کارروائی ءِ وھد ءَ وفاقی پٹ ءُ پولی ادارگ ءَ مستریں ملزم ارشد چوہدری ءَ ھوار 5ملزم دزگیر کتگ۔ ایف آئی اے ءِ اینٹی کرپشن سرکل ءِ ڈائریکٹر شہزاد بخاری ءُ ڈپٹی ڈائریکٹر محمد افضل خان نیازی ءِ نگرانی ءَ جتا جتائیں وسیلگ آنی نیمگ ءَ چہ رستگیں شکایت آنی سر ءَ اسکینڈل ءِ پٹ ءُ پول بندات کنگ بوتگ۔ پٹ ءُ پول ءَ چہ کرپشن ءُ فراڈ ءِ یک پیچیدہ ئیں ویب ءِ پدر بوتگ کہ ایشی ءِ تہ ءَ منیجر اکاؤنٹس ارشد مجید چوہدری اسکیم ءِ ناٹک ءِ کارست ءِ رنگ ءَ دراتکگ ءُ سب انسپکٹر احتشام گونڈل ءَ ناجائزیں بھرتی ءِ اسکیم ءَ ھواریں بازیں ملزم دزگیر کتگ کہ آھانی تہ ءَ تیمور ارشد، فواد یوسف آہ ھوار اَنت۔ قیصر جاوید ھوار انت وھدے کہ اسکیم ءِ مستریں ملزم منیجر اکاؤنٹس ارشد مجید چوہدری ھم دزگیر کنگ بوتگ انت وھدے کہ اسپیشل جج سینٹرل ءَ دزگیر کنگ بوتگ انت۔ اسلام آباد ءَ پیشگی ضمانت رد کتگ ایشی ءِ پد ءَ ایف آئی اے ءَ اے اسکیم ءَ ہواریں مردمانی دزگیری ءِ ھاتر ءَ کارروائی کتگ ایف آئی اے ءِ وسیلگ ءِ رد ءَ ملزم مبینہ طور ءَ بھرتی ءِ مزنیں اسکیم ءَ ہوار بوتگ انت کہ ایشی ءِ تہا آہاں فنڈز ءِ ناجائز کارمرز کتگ ءُ بھرتی ءِ عمل ءَ بے ضابطگی کتگ۔ اے اسکینڈل ءَ چہ اے پی پی سی ءُ راجی خزانہ ءَ را مزنیں مالی تاوان رستگ ءُ بھرتی ءِ عمل ءِ شفافیت ءِ بابت ءَ جُست ءُ پُرس بوتگ کہ ایف آئی اے ءَ ارشد مجید چوہدری ءَ ھوار بازیں ملزم دزگیر کتگ انت ءُ اے اسکینڈل ءِ سرجمیں کساس ءِ پجارینگ ءِ ھاتر ءَ گیشیں پٹ ءُ پول کنگ بوھگ ءَ انت۔ ادارگ دزئی کتگیں فنڈز ءِ وصولی ءِ واستہ گامگیج زورگ ءَ انت ءُ ملزم آناں انصاف ءِ دیم ءَ آرگ ءِ واستہ جزمیگ انت ایف آئی اے اینٹی کرپشن سرکل اسلام آباد کرپشن ءِ ھلاسی ءُ درستیں شعبہ آنی تہ ءَ شفافیت ءُ احتساب ءَ را دل یکیمی کنگ ءِ واستہ جزم انت۔ ادارگ چہ شہریاں اپیل کنت کہ آ کرپشن یا ھرچ وڑیں بے رھبندی ءِ ھال ءَ بہ دنت ءُ دل یکیمی دنت کہ درستیں شکایت آنی سر ءَ جوانیں رنگ ءَ پٹ ءُ پول کنگ بیت ءُ آھانی سر ءَ کارروائی کنگ بیت۔
