کوئٹہ۔ 09 دسمبر (اے پی پی) وزیراعلیٰ بلوچستان میر سرفراز بگٹی دوشنبے نادے آ اسہ دے ئی دورہ غا سوئی آ سرمس ہراڑے او سوئی میونسپل کمیٹی نا پوسکن آ دفترنا بناءِ کرے۔ چیئرمین میونسپل کمیٹی سوئی عزت اللہ بگٹی و علاقائی سرکڑدہ غاک ایم سی آفس آ بننگ آ وزیراعلیٰ ءِ بخیرکریر۔ داوخت آ گپ وتران کرسا وزیراعلیٰ پارے کہ بلدیاتی ادارہ غاتا فعالیت ءِ خوانہ نن کارکڑد تون مشروط بلدیاتی ادارہ غاتا فنڈ آتیٹی بھلو ودکی اسے نا فیصلہ ءِ کرینن۔ وزیراعلیٰ پارے کہ ہندی کہول آ السی ویل آتا ایسر مننگ آن الس ءِ صوبائی دارالحکومت آ بننگ نا مشکل آتون مون تروئی تمپک الس نا گیشتر ویل آک ہندی کہول انا مریرہ۔ اوپارے کہ بلدیاتی ادارہ غاک فعال کڑد ادا کیر تو صوبائی مشینری آ غیرضروری زور کم مریک۔ داوخت آ صوبائی وزیر میر عاصم کرد گیلو ، چیف سیکرٹری بلوچستان شکیل قادر خان ئسک ہم ساڑی ئسر۔ وزیراعلیٰ بلوچستان میر سرفرازبگٹی ءِ چیئرمین میونسپل کمیٹی سوئی عزت اللہ بگٹی سوئنیر اس ہم پیش کرے۔
