لاہور۔ 09 دسمبر (اے پی پی) بنجائی وزیر داخلہ محسن نقوی دوشنبے نادے آ داڑے جامعہ اشرافیہ ٹی وفاق المدارس نا سرپرست اعلیٰ مولانا فضل رحیم اشرفی و ایلو سرکڑدہ غاتون اوڑدہی کرے۔ بنجائی وزیر داخلہ محسن نقوی داوخت آ مولانا فضل رحیم اشرفی نا طب انا اَرفےونیک است خواہی نا درشانی ءِ کرے۔ وزیرداخلہ اوڑدہی ٹی دینی مدرسہ غاتا بل انا بابت ہم سرجمی اٹ گپ وتران کرے۔ داوخت آ مولانا فضل رحیم اشرفی گپ وتران کرسا پارے کہ مدرسہ غاتا باندات آتیا سیاست بایدے مف، مدرسہ غاتا ایشو تیا نن تینا مثبت کڑد ءِ ادا کینہ۔ اوپارے کہ پنجاب اٹی ہم بنجانا وڑآ مدرسہ غاک محکمہ تعلیم ناماتحت بایدے مریر۔ بنجائی وزیر داخلہ مدرسہ غاتا بابت مثبت کڑد ادا کننگ نا باوری کرفنگ آ مولانا فضل رحیم نا منت وار ی ءِ ہرفے۔ مولانا فضل رحیم اشرفی ملک انا سلامتی ، شونداری و شونہالی کن دعاکرے۔
