لاہور۔7دسمبر (اے پی پی):وفاقی وزیر ءِ اطلاعات ءُ نشریات عطا اللہ تارڑ ءَ وتی حلقہ این اے 127 ءَ دگٹیں روچ ءِ گوازینت۔ بنجاھی وزیر عطا اللہ تارڑ جنرل کونسلر ڈاکٹر ریاض ءِ گس ءَ شتگ ءُ کھول ءَ گوں گند ءُ نند کتگ ءُ آئی ءَ را جنک ءِ آروس ءِ مبارک بات داتگ۔ بنجاھی وزیر ءَ مسلم لیگ ءِ دیریں کارکن قدر اللہ ءَ گوں آئی ءِ گس ءَ گند ءُ نند کتگ ءُ آئی ءِ پارٹی ءِ ازمت ءُ پارٹی ءِ گوما بے مٹیں مہر ءِ توسیپ کتگ اے موہ ءِ سر ءَ وفاقی وزیر ءَ دمگ ءِ نندوکیں مردماں گوں ھم گند ءُ نند کتگ ءُ آھانی جیڈھ آنی گیواری کتگ۔ آہاں زوتاں چہ زوت حل ءِ رسگ ءِ یقین دہانی دات ءُ ہمے وھد ءَ حلقہ ءِ تہا جاری دیمروئی کارانی سرا ہم چار ءُ تپاسی کت آئی ءَ کرسمس ءِ آیگ ءِ سلسلہ ءَ دمگ ءَ کرسمس ءِ تیاری ءِ ھوالگ ءَ جیڈھ آنی سرا ہم چار ءُ تپاسی کت۔ عطا اللہ تارڑ ءَ دخلا روڈ ءِ جوڑ کنگ ءِ ھاتر ءَ زوتیں پرمان داتگ ءُ دمگ ءِ دگہ راہانی جوڑ کنگ ءُ ھرابیں سٹریٹ لائٹانی جیڑھ ءِ گیش ءُ گیوار ءِ ھاتر ءَ وتی لوگ ءَ پہ وانگ ءَ شتگ۔ وفاقی وزیر انصر جمیل ءَ ھم لیبر کونسلر ءِ لوگ ءَ شتگ ءُ آئی ءَ را وتی جنک ءِ آروس ءِ مبارک بات داتگ ءُ نوکیں آروس بوتگیں جوڑی ءِ ھاتر ءَ وتی نیکیں واھگ ءِ درشانی کتگ وھدے کہ عطا اللہ تارڑ ءَ اے بابت ءَ گشگ بوتگ گڑا وفاقی وزیر ءَ نوکیں وہیل چیئر دیگ ءِ جار جتگ۔ بزگیں مردماں دیم ءَ داتگ۔ عطا اللہ تارڑ ھم مسلم لیگ ءِ کارکن حماس ءِ لوگ ءَ شتگ ءُ آئی ءِ مات ءِ بیرانی ءِ سر ءَ آئی ءِ ھمراھی ءَ دلپدردی کتگ ءُ فاتحہ ونتگ ۔
