اسلام آباد۔7دسمبر (اے پی پی):چین انرجی انٹرنیشنل گروپ ءِ جنرل منیجر وانگ ہوئی ہوا ءَ وفاقی وزیر منصوبہ بندی، دیمروئی، اصلاحات ءُ ھاسیں گامگیج پروفیسر احسن اقبال ءَ گوں گند ءُ نند کتگ۔ گند ءُ نند ءَ وفاقی وزیر ءَ را گوشگ بوت کہ چائنا گروپ ءَ پاکستان ءَ 12ارب ڈالر ءِ 21 میگا منصوبگ سرجم کتگ انت۔ شمبے ءِ روچ ءَ وزارت ءِ منصوبگ بندی ءِ نیمگ ءَ شنگ بوتگیں ھال آنی رد ءَ وفاقی وزیر ءَ را گوشگ بوتگ کہ گل ءِ دو ھاسیں پن بجلی منصوبگ ایشانی تہ ءَ کلیں پیداواری گنجائش 1570میگاواٹ اِنت آزاد پٹن پن بجلی منصوبگ (700 میگاواٹ) ءُ اسکی کناری منصوبہ (870 میگاواٹ) ءِ سرا ھوار انت۔ اے منصوبگ آنی سر ءَ کلیں سرمایہ کاری 3.5 ارب ڈالر اِنت۔ وفاقی وزیر احسن اقبال ءَ گوشت کہ پاکستان ءِ پائیدار توانائی ءِ آیوکیں وھد ءِ واستہ آزات پٹن پن بجلی منصوبگ سک باز ارزشتی اِنت۔ اے منصوبہ دو نیمگی کمک، دمگی دیمروئی ءُ پائیداریں بنیاتی ڈھانچہ ءِ مشترکہ رژنائی ءِ علامت انت۔ آئی ءَ آزاد پٹن ہائیڈرو پاور پروجیکٹ ءِ سوبمندیں سرجمی ءِ تہ ءَ چائنا انرجی گروپ ءِ بے دروریں جزم ءِ ساڑات۔ چائنا انرجی انٹرنیشنل گروپ ءَ حکومت پاکستان ءِ ہدایت ءِ رد ءَ منصوبگ ءِ دیمروئی ءِ شیڈول ءِ سرا عمل کنگ ءِ دل یکیمی داتگ۔ 1990 ءِ دہک ءَ چہ پاکستان ءَ وتی ھست بوھگ ءِ سبب ءَ اے گل ءَ سئے دہائی ءَ چہ گیش پاکستانی مارکیٹ ءِ سر ءَ دلگوشی داتگ۔ اے گل انجینئرنگ ءِ ڈیزائن، تعمیراتی اجراء، ءُ ہائیڈرو پاور، تھرمل پاور، ایٹمی پاور، ٹرانسمیشن لائن، قابل تجدید توانائی، سڑک ءُ شاہراہ، آپ ءِ حفاظت ءُ دگہ بازیں انفراسٹرکچر منصوبہانی تہا سروسز ءِ تہا مشغول انت۔ گروپ ءِ جنرل منیجر وانگ ہوئی ہوا ءَ پاکستان ءِ دیمروئی ءِ اولویت آنی رد ءَ منصوبگ آناں پٹ ءُ پول کنگ ءِ ھم سوج داتگ ، ھاسیں رنگ ءَ بنیاتی ڈھانچگ ءِ دیمروئی ، پائیدار دیمروئی ، چاگردی رکھینگ ، سمارٹ سٹی ءُ سی پیک ءِ ھوالگ ءَ منصوبگ آنی سر ءَ ھیال ءُ لیکہ کنگ بہ بیت۔
