سیکورٹی فورسز ءِ نیمگ ءَ چہ خیبر پختونخوا ءَ سئے جتا جتائیں سوبمندیں آپریشن، 22 ناشرکار شہید ءُ 6 ٹپیگ بوتگ

راولپنڈی۔7دسمبر  (اے پی پی):6 ءُ 7 دسمبر 2024 ءَ خیبر پختونخوا ءَ سئے جتا جتائیں سوبمندیں آپریشن ءِ وھد ءَ سیکورٹی فورسز ءَ 22 ناشرکار کشتگ ءُ 6 ناشرکار ٹپیگ بوتگ انت۔ پاکستانی فوج ءِ تعلقات عامہ ءِ محکمہ ءِ رد ءَ سیکورٹی فورسز ءَ ٹینک ضلع ءِ گل امام ءِ دمگ ءَ ناشرکار ءِ ھست بوھگ ءِ بابت ءَ ھال ءِ سر ءَ رازداری ءِ رد ءَ آپریشن کتگ۔ آپریشن ءِ وھد ءَ سیکورٹی فورسز ءَ ناشرکار ءِ پناہ گاہ موثر نشانگ جوڑ کتگ ءُ ایشی ءِ آسر ءَ 9 ناشرکار جہنم ءَ روان دیگ بوتگ ءُ 6 ناشرکار ٹپی بوتگ انت۔ ضلع شمالی وزیرستان ءَ سیکورٹی فورسز ءِ نیمگ ءَ کنگ بوتگیں دگہ سوبمندیں آپریشن ءِ تہ ءَ 10 ناشرکار جہنم ءَ روان دیگ بوتگ اَنت۔ ضلع تھل ءِ سیمی دیم پہ دیم ءَ سیکورٹی فورسز ءَ ناشرکار ءِ پوسٹ ءِ سر ءَ اُرش کنگ ءِ کوشست ناکام کتگ ءُ سئے ناشرکار کش اِتگ اَنت بلے تیرگواری ءِ زبردستیں تبادلہ ءِ وھد ءَ دھرتی ءِ 6 دلیریں سپاھیگ دلیریں جنگ ءَ بیران بوتگ اَنت۔ اے دمگ ءَ دست کپتگیں دگہ خریجی ءِ ھلاس کنگ ءِ ھاترا کلیئرنس آپریشن کنگ بوھگ ءَ اِنت پرچا کہ پاکستان ءِ سیکورٹی فورسز ناشرکاری ءِ ھترہ ءِ ھلاسی ءِ ھاترا جزم اَنت ءُ مئے دلیریں مردانی نیمگ ءَ اے وڑیں قربانی مئے جزم ءَ را گیش مھکم کنت۔