پاک بحریہ ہر وڑیں چیلنج آں گوں گر ءُ چیل بوھگ ءِ سرجمی ءَ توان ءِ واھند اِنت، پاکستان ءِ حکومت ءُ اُرد ناشرکاری ءِ ھلاسی ءِ واستہ جزم اَنت، مزن وزیر شہباز شریف ءِ ھپتمی میری ٹائم سیکورٹی ورکشاپ ءِ تہ گشتانک

لاہور۔6دسمبر  (اے پی پی):مزن وزیر محمد شہباز شریف ءَ گوشت کہ پاک بحریہ ءِ تہ ءَ ھمک رنگ ءِ چیلنج آنی گوما گر ءُ  چیل بوھگ ءِ سرجمیں صلاحیت است انت، مئے دیمروئی ءُ  وشھالی ایوک ءَ نیلیں معیشت ءِ وسیلگ ءَ ممکن انت۔ ناشرکاری ءِ ھلاسی ءَ بہ کنت۔ اے ھیالانی درشانی آئی ءَ جمعہ ءِ روچ ءَ پاک بحریہ ءِ جنگی کالج ءَ ھپتمی میری ٹائم سیکورٹی ورکشاپ ءِ تہ ءَ بھر زوروکاں گوں تران کنان ءَ کت۔ مزن وزیر شہباز شریف ءَ گوشت کہ پاک بحریہ ءِ تہ ءَ ھمک رنگ ءِ چیلنج آنی گوما گر ءُ  چیل بوھگ ءِ سرجمیں گنجائش است انت، پاک بحریہ ءِ بہادریں افسر ءُ  مردم پاکستان ءِ دریائی سیم سر آنی ایمنی ءَ را دل یکیمی کنگ ءَ انت، پاک بحریہ دریائی وسیلگ آناں کارمرد کنگ ءِ واستہ گامگیج زورگ ءَ انت دوستیں ملک چین۔ سمندری شوبگ ءَ سرجمیں کمک ءِ واستہ ھم تیار اِنت۔ مزن وزیر ءَ  گوشت کہ 2018ءَ  ما ملک ءَ  چہ ناشرکاری ءِ  سرجمی ءَ  ھلاس کتگ، ناشرکاری ءِ  ھلاپ ءَ  جنگ ءَ  مئے 80 ھزار مردم شھید بوتگ اَنت ئُُ ملک ءِ  معیشت ءَ  را 3 ارب ڈالر تاوان رستگ پاکستان ناشرکاری ءِ  سبب ءَ  مزنیں بھا ءِ  ادا کنگ ءَ  اِنت۔ ، مئے افسر ءُ سپاھیگ آ وتی راج ءِ ایمنیں باندات ءِ ھاترا وتی جاناں ندر کنگ ءَ اَنت، آھانی زھگ یتیم بوھگ ءَ اَنت کہ پاکستان ءِ میلیوناں زھگاں رکّین اَنت۔ آئی ءَ گوشت کہ حکومت ءُ  پاکستان ءِ قوت ناشرکاری ءِ ھلاسی ءِ واستہ جزمیگ انت، بد بھتی ءَ ناشرکاری ءِ آفت پدا دیم ءَ اتکگ انت۔ شہباز شریف ءَ گوشت کہ من اے سال ءِ جولائی ءَ کراچی پورٹ ٹرسٹ ءِ تر ءُ  تاب کتگ ات، کراچی پورٹ ٹرسٹ ءِ کار رئیل اسٹیٹ نہ انت، بلکیں کاروباری مردم آناں کاروباری آسراتی آنی پجاری ءَ را دل یکیمی کنگ ءِ واستہ لوڈنگ ءُ  انلوڈنگ ءِ نیمگ ءَ دلگوش بہ کن ات۔ آئی ءَ گوشت کہ براتیں ملک سعودی عرب ءَ یک سال ءِ واستہ سئے ارب ڈالر ءِ وام ءِ ادائیگی ءِ تہ ءَ گیشی کتگ آئی ءَ گوشت کہ پاکستان قدرتی وسیلگ آنی تہ ءَ زرباری ءُ  صلاحیت آنی تہ ءَ سریں ملک اِنت، پاکستان ءَ بے دروریں ٹیلنٹ است، مارا وتی لوٹ اِنت۔ کوشست یکجا کنگی انت ءُ  یکوئی ءَ گوں گامگیج چست کنگی انت، مارا وتی اسلیں کار ءِ سرا دلگوش دیگی انت، مئے پیریناں پاکستان ءِ جوڑ کنگ ءِ واستہ مزنیں قربانی داتگ انت، مارا گوستگیں ردی آں چہ دربرگی انت ءُ  دیم ءَ روگی انت۔ آئی ءَ گوشت کہ ملک ءَ امن ءُ ایمنی ءِ پجارینگ ءِ واستہ اپیکس کمیٹی ءِ بازیں دیوان برجم دارگ بوتگ تانکہ پاکستان ءِ حکومت، اُرد ءُ کانود نافذ کنوکیں ادارگ یک مھکمیں عہد ءُ پیمان ءِ کنان ءَ ناشرکاری ءِ آبا ءِ ھلاپ ءَ جنگ ءَ بہ کن اَنت۔ ملک ءَ را تانکہ مردم وتی توانائی ءَ چہ سرجمی ءَ کارمرز بہ کن اَنت تانکہ درملکی سرمایہ کار سازگاریں چاگرد ءَ گندگ ءَ پاکستان ءَ سرمایہ کاری بہ کن اَنت مئے دیمروئی چہ معیشت ءَ اِنت۔ وشھالی ممکن اِنت، اے وھد اتکگ کہ ما ایشی ءِ سر ءَ دلگوشی بہ دئیں ءُ  حکومت ایشی ءِ واستہ ہر وڑیں کمک ءِ واستہ تیار اِنت مزن وزیر ءَ گوشت کہ گوادر بندرگاہ یک مرکزی پوزیشن اِنت، ایشی ءَ را پاکستان ءِ جوانیں تجارتی بندرگاہ جوڑ کنگ ءَ اِنت۔ دیم ءَ برگ بوت کنت، بدقسمتی ءَ اے مول ءُ مراد ءَ گوستگیں وھداں گیش نہ کتگ ءُ ما درست زانیں کہ ایشی ءِ سبب چے اَنت۔