کراچی ۔6دسمبر (اے پی پی):نوکیں گوادر ءِ انٹرنیشنل بالی پٹ ءِ آپریشنل کنگ ءِ تیاری گڈی بھر ءَ سر بوتگ اے ماہ ءِ گڈ ءَ تاں آپریشنل بیت۔ پاکستان بالی پٹ اتھارٹی ءِ قائم مقام ڈائریکٹر جنرل ذیشان سعید ءَ نیو گوادر انٹرنیشنل بالی پٹ ءِ تر ءُ تاب کتگ ءُ بالی پٹ ءِ آپریشنل تیاری ءِ سرا دل یکیمی ءِ درشانی کتگ کہ آیوکیں ماہ ءِ گڈ ءَ تاں آپریشنل بیت۔ جمعہ ءِ روچ ءَ پاکستان ایئرپورٹ اتھارٹی ءِ جارکش ءِ نیمگ ءَ شنگ بوتگیں بیان ءِ تہ ءَ گشگ بوتگ کہ ڈی جی ایئرپورٹس صادق الرحمن ھم آئی ءِ ھمراہ بوتگ۔ اے موہ ءِ سر ءَ پروجیکٹ ڈائریکٹر فیض اللہ خٹک ءَ شرپداریں مہمان آناں بالی پٹ ءِ آپریشنل تیاری آنی بابت ءَ سرپد کت ءُ ھال دات کہ اے ماہ ءِ گڈ ءَ تاں نوکیں گوادر انٹرنیشنل بالی پٹ آپریشنل بیت۔ نیو گوادر انٹرنیشنل ایئرپورٹ پروجیکٹ ٹیم ءَ بالی پٹ ءِ اسٹیک ہولڈر آناں بریفنگ ھم داتگ ایشی ءِ تہ ءَ بالی پٹ ءَ کاروباری موہ ءُ اقتصادی زون آنی ھوالگ ءَ سرجمیں بریفنگ ھم دیگ بوتگ۔ قائم مقام ڈائریکٹر جنرل ءَ گوادر بالی پٹ ءِ آپریشنل تیاری ءِ بابت ءَ دل یکیمی ءِ درشانی کت۔ پاکستان بالی پٹ اتھارٹی ءِ حکام ءَ گشتگ کہ نوکیں آسراتی ءَ گوں لیس بالی پٹ ءِ سرا 246ملین ڈالر ھرچ بوتگ ایشی ءِ تہا چینی گرانٹ ءَ را دیمروئی دیگ بیت۔
