اسلام آباد۔6دسمبر (اے پی پی):مزن وزیر محمد شہباز شریف ءَ میجر شبیر شریف شہید نشان حیدر ءِ 53می شہادت سالروچ ءِ درگت ءَ آئی ءَ را شگر ءُ منت گپت ءُ گوشت کہ میجر شبیر شریف شہید نشان حیدر ءَ دلیری ءِ راجدپتر جوڑ کتگ ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ وتی کلوہ ءِ تہ ءَ گوشت کہ میجر شبیر شریف شھید نشان حیدر دلیری ءِ مزنیں مثال ات 1971ءِ جنگ ءَ میجر شبیر شریف شہید ءَ روک دات۔ سلمانکی ءَ دژمن ءِ پیشرفت ءَ برجاہ داشتگ۔ مزن وزیر ءَ گوشت کہ میجر شبیر شریف شھید ءَ نہ ایوک ءَ وتی ٹارگٹ ءِ رکھینگ کتگ، اینٹی ٹینک رائفل ءَ گوں دژمن ءِ ٹینک ناتوان کتگ، بلکیں کمپنی کمانڈر ءَ ھوار دژمن ءَ را ھم ھلاس کتگ میجر شبیر شریف شھید ءِ موثر دیمپان ءِ دیم ءَ اوشتات نہ کتگ۔ مزن وزیر ءَ گوشت کہ ماتیں وطن ءِ ایمنی ءِ واستہ میجر شبیر شریف شھید نیشان حیدر ءَ وتی سر ندر کتگ۔ میجر شبیر شریف شہید نشان حیدر ءِ ماتیں وطن ءِ مہر ءُ ماتیں وطن ءِ دیمپان ءِ ہاترا وتی جان ءِ ندر کنگ ءَ چک ءُ پد نہ بوہگ ءِ جذبہ نوکیں پدریچ ءِ واستہ تقلید ءِ لائق انت۔ میجر شبیر شریف شہید نشان حیدر ءِ راج دوستی ءِ جذبہ ءُ فرض ءِ احساس ءَ دژمن ءِ عددی برتری ہلاس کت۔ مزن وزیر ءَ گوشت کہ منا ھوار سرجمیں راج ءَ میجر شبیر شریف شھید نشان حیدر ئُُ آئی ءِ گس ءِ سر ءَ پھر اِنت۔ مزن وزیر ءَ گوشت کہ پاکستان ءِ زہرشانی ءِ راج کدی ھم پاک فوج ءِ بہادریں سپاھیگ آنی قربانی ءَ چہ شموشت نہ کنت کہ آہاں ملک ءِ دیمپان ءِ ھاتر ءَ وتی سر ندر کتگ۔ میجر شبیر شریف شہید ءِ ماتیں وطن ءِ گوما فرض ءِ احساس ءُ وفاداری ءِ مثال آیوکیں نسلاں دیم ءَ ہم دلبڈی دنت۔
