پاکستان ءِ آئین ءَ درستیں قومی آناں برابریں حق داتگ انت، کرسمس ءِ مراگش ءَ اعظم نظیر تارڑ ءِ گشتانک

اسلام آباد۔6دسمبر  (اے پی پی): بنجاھی  وزیر کانود، انصاف ءُ انسانی حقانی سینیٹر اعظم نظیر تارڑ ءَ گشتگ کہ پاکستان ءِ آئین ءَ ملک ءَ نندوکیں درستیں قومی آناں یک وڑیں حق داتگ انت۔ وزارت قانون ءَ اولی راجی اقلیت کمیشن ءِ مسودہ بنجاھی  کابینہ ءَ پیش کتگ کہ کرسمس ءِ موہ ءَ عیسائی کمیونٹی ءِ ھاتر ءَ وشیں ھال اِنت۔ آئی ءَ اے ھیالانی درشانی جمعہ ءِ روچ ءَ وزارت ءِ اھوالکاری ءُ   نشریات ءُ   پاکستان نیشنل کونسل آف آرٹس ءِ کمک ءَ ’’اسلام آباد کرسچن فیلوشپ‘‘ ءِ چیردستی ءَ برجم داشتگیں کرسمس ءِ مراگش ءَ گوں تران کنان ءَ کت۔

بنجاھی  سیکرٹری انفارمیشن ءُ براڈکاسٹنگ امبرین جان، پاکستان ءِ سپریم کورٹ ءِ نیمگ ءَ جوڑ کتگیں یک مردمی اقلیت کمیشن ءِ چیئرمین ڈاکٹر شعیب سدال، راجی اسمبلی ءِ پیسریگیں باسک ایشیا ناصر، پیسریگیں ایئر چیف مارشل مجاھد انور خان ءُ پاکستان ءَ فلسطین ءِ سفیر مراگش ءَ ھاسیں رنگ ءَ ڈاکٹر محمد حمداللہ زید ءَ بہر زرتگ ات۔ وزیر ءِ کانود ءَ گوشت کہ عیسائی کمیونٹی پاکستان ءِ جوڑیشت ءُ   دیمروئی ءِ تہ سرگرمیں کرد پیلو کنگ ءَ انت، حکومت اقلیت آنی ھک آنی رکھینگ ءِ واستہ ھمک رنگ ءِ گامگیج کنگ ءَ انت۔ آئی ءَ گوشت کہ کرسمس ءِ موہ ءَ من عیسائی کمیونٹی ءِ واستہ اے وشیں ھال ءِ شیئر کنگ لوٹ آں کہ اقلیت آنی دیریں لوٹ ءِ سر ءَ اولی نیشنل اقلیت کمیشن جوڑ کنگ بوھگ ءَ اِنت کہ گوستگیں روچ ءَ بنجاھی  کابینہ ءِ دیم ءَ پیش کنگ بوتگ۔ آئی ءَ گوشت کہ اے مسودہ زوت راجی اسمبلی ءُ سینیٹ ءَ پیش کنگ بیت۔ آئی ءَ گوشت کہ اے اولی راجی اقلیت کمیشن ءَ را کانود آنی سر ءَ عمل کنگ ءَ را دل یکیمی کنگ ءِ واستہ سرجمی ءَ واک ءُ   واک دیگ بیت۔ آئی ءَ گوشت کہ اے سوبمندیں مراگش ءِ برجائی ءِ واستہ "دی اسلام آباد عیسائی فیلوشپ” ءَ را مبارک بات دنت ءُ   عیسائی کمیونٹی ءَ را وتی مذہبی میلہ ءِ مبارک بات دنت۔ اے موہ ءِ سر ءَ اعظم نظیر تارڑ ءَ ھم غزہ ءِ مظلومیں فلسطینی آں گوں ھمدردی درشان کتگ ءُ اسرائیل ءِ زوراکی ءِ مذمت کتگ۔ آئی ءَ گوشت کہ پاکستانی راج ءِ دل فلسطینی برات ءُ   گہار آنی واستہ دلپدرد انت ۔ اے موہ ءِ سر ءَ عزت مآب کیپٹن (ارٹڈ) بابر برنارڈ مسیح ءَ بنجاھی  وزیر ءُ   ایندگر مہمان آناں مراگش ءَ بھر زوری ءِ وش اتک کت ءُ   یک

دستاویزی فلمے ھم پیش کنگ بوت کہ ایشی ءَ چہ 2018 ءِ جتا جتائیں پڑ آنی تہ ءَ اقلیتی کمیونٹی ھاسیں رنگ ءَ عیسائی آنی کرد ءِ سر ءَ رژنائی شنگ بوت۔ زندگی شتدستاویزی فلم میں ڈاکٹر ایس کے ٹریسلر، گروپ کیپٹن (ر) سوشل سیسل چوہدری (ستارہ جرأت)، میجر جنرل (ر) کھوکھر (ہلال امتیاز)، سابق ایس ایس پی پولیس روبن یامین سہوترا، ڈاکٹر روتھ فائو، ڈاکٹر شیلا چائو، بریگیڈیئر (ر) ڈاکٹر رابرٹ ءُ   راجی دفاع ءِ ھاترا قربانی داتگیں افسراں ابید ھما مردمانی زبردستیں کار کہ آہاں جان سلامتی، وانگ ءُ   زانگ، ایٹمی توانائی، سول سروس ءُ   دگہ نامداریں پڑاں خدمت کتگ ات، آہانی عکس کشّی کنگ بوتگ ات۔ مراگش ءَ بشپ آزات مائیکل ءُ ڈاکٹر شعیب سدل ءَ ھم گشتانک دات۔ گشتانک دیوکاں بین المذاہب ءِ ہم آہنگی ءِ سرا چمشانک دات ءُ   تاریخی حوالہ دات۔ ایشی ءَ چہ پیسر ٹیبلو، کارلوس ءُ مذہبی گانا ھم گوں کرسمس ءِ حوالہ ءَ پیش دارگ بوتگ اَنت۔ اے مراگش ءَ زند ءِ جتا جتائیں پڑاں چہ مردماں بہر زرتگ ءُ مراگش ءِ سوبمندیں برجم دارگ ءِ ھاترا جارچینانی کوشستاں ستا کرتگ۔ جارچینانی نیمگ ءَ شرپداریں مہمان آناں ڈھال ءُ   پُل ھم داتگ اَنت۔ مراگش گوں راج ءِ دیمروئی، وشھالی ءُ ایمنی ءِ واستہ ھاسیں دعا ءُ دعا گڈ ءَ آسر بوت۔