کوئٹہ۔ 05 دسمبر (اے پی پی) پاکستان مسلم لیگ (ن) نا مرکزی سینئر راہشون چوہدری نعیم کریم پارینےکہ مسلم لیگ (ن) مدام ملکی شونداری و السی فائدہ غاتے مون آ تخا پارٹی ہراتم کہ اقتدار اٹی بس ملک اٹی شونداری و شونہالی نا پوسکن آ دور بناکرینے، پاکستا ن نا شونداری و شونہالی نا کسر اٹی اڑاند سلفوک آک تینا ناپاک عزم آتیٹی بے سہب مریرہ الس اوفتا درو اٹی بفک۔ حکومت نا گچین زرگزرانی پالیسی تیٹی کبینی کم انگا کچ آبسنے، انشاء اللہ داڑآن پاکستان اٹی نیزگار بندغ نا بھاریم پین کم مریک۔ مسلم لیگ (ن) بلوچستان نا رابطہ آفس آن جاری مروک آ اسہ بیان اسے ٹی چوہدری نعیم کریم پارے کہ مسلم لیگ (ن) نا کماشی ٹی ملک نئے بیرہ سوگوی دوئی کرے بلکن شونداری نا کنڈآ ہِننگ ءِ، حکومت دا ملک انا راجی آسودہی و گچینی کن دے ونن کاریم کرے، و ملک ءِ ڈیفالٹ آن بچفے۔ اوپارے کہ مسلم لیگ (ن) نا کماشی ٹی حکومت گچین زرگزرانی اصلاحات نا کمک اٹ نئے بیرہ کبینی نا مون ءِ تورے بلکن گونڈ مد اٹی اودے کم انگا کچ آ اتنگا دا سرسہبی السی راجی آسودہی و سوگو زرگزران نا کنڈآ اسہ اہم ءُ گام اسے ننے داسہ تینا چکار ءِ گروتھ آ تخوئی ءِ کبینی ٹی کمتی اللہ تعالیٰ نا کمال مہروانی و ٹیم ورک نا بھرم ءِ دا ٹیم ورک نا بھرمک آخبت بروک آ دے تیٹی پین ہم مون آبریرہ۔ اوپاکستان ہراتم شونداری نا کنڈآ و اہم ءُ شخصیت اس پاکستان آ بریک تو اسہ سیاسی جماعت اس اونا کسر اٹی اڑاند سلفنگ نا بناءِ کیک۔ چوہدری نعیم کریم پارے کہ ساڑی آ برانز اٹی پی ٹی آئی پک کرے کہ او سیاسی اف دہشت گرد جماعت اسے و اونا سرجزآتا مون ءِ توننگ المی مسنے پن انا سیاسی ٹولہ تینا سیاست ءِبچفنگ کن ہراتسکان ہنانے مچ آ قوم ءِ اوڑآ سخت گڑتی ءِ، پی ٹی آئی تینٹ بندگلی ٹی پترینگانے و بے چیٹی نا کمک اٹ ملک ءِ بھس کننگ خواہک، دا بے چیٹی و پھسات نا کمک اٹ ہرامنفی ایجنڈاغا ہِننگ ءُ مچ آ قوم داڑآن معلومدار ءِ۔
