اسلام آباد۔ 05 دسمبر (اے پی پی) اسپیکر قومی اسمبلی سردار ایاز صادق میجر محمد اکرم شہید نشان ءِ حیدر ءِ اونا 53 می یوم شہادت آشاندار خراج عقیدت پیش کرساپارینے کہ میجرمحمد اکرم 5 دسمبر 1971آ دشمن نا برخلاف بہادری اٹ جنگ ترسا شہیدی نا جام ءِ نوش کرے۔ پنچ شنبے نادے آ تینا بیان اٹی اسپیکر قومی اسمبلی سردار ایاز صادق پارے کہ میجر محمد اکرم شہید ءِ اونا بے مٹ جیرت و بہادری ٹی نشان ءِ حیدر تننگا، ملکی دفاع ءِ ناقابل تسخیر کننگ کن پاکستان نا فوج انا شہید آک بے مٹ قربانی تسنو، قوم تینا شہید آتیا گمر کیک۔ اسپیکر قومی اسمبلی پارے کہ قوم میجر محمد اکرم شہید تون اوار غٹ شہید آتا قربانی تے مدام یات تخک۔اسپیکر قومی اسمبلی اللہ تعالیٰ آن میجر محمد اکرم شہید نا درجہ غاتا بڑزی کن دعاکرے۔
