راولپنڈی۔ 05 دسمبر (اے پی پی) پاک بحریہ نا مسکوہی سروک ایڈمرل یسطور الحق ملک ءِ لاہور اٹی فوجی اعزاز اتون جہہ جاگہ کننگا۔ نماز ءِ جنازہ ٹی سلہہ بند فوج انا ریٹائرڈ و حاضر سروس آفیسر و سویلینز آتا بھلو کچ اس بشخ ہلکر۔ صدر، وزیراعظم ، چیئرمین جوائنٹ چیفس آف اسٹاف کمیٹی ، سلہہ بند فوج انا سروک و بحریہ نا آفیسر و ورناتا کنڈآن ایڈمرل یسطور الحق ملک نا قبرآ پھل آتا چادرتخنگا۔ آئی ایس پی آر نا رداٹ ایڈمرل یسطور الحق ملک 1954اٹی پاک بحریہ ٹی کمیشن کرے۔ ایڈمرل یسطور الحق ملک 1965و 1971نا پاک بھارت جنگ آتیٹی ہم بشخ ہلک۔ ایماندار 1988آن 1991اسکان پاک بحریہ نا سروک رہینگا۔ ایماندار نیول چیف بطور کمانڈر پاکستان فلیٹ، وائس چیف آف دی نیول اسٹاف و چیئرمین پاکستان نیشنل شپنگ کارپوریشن ہم فرض سرتس۔
