اسلام آباد۔ 05 دسمبر (اے پی پی) وزیراعظم محمد شہباز شریف میجر محمد اکرم شہید نشانِ حیدر ءِ اونا 53 می یوم شہادت آ خراج عقیدت پیش کرسا پارینے کہ میجر محمد اکرم شہید دے ٹکی پاکستان اٹ جنگ ترسا جیرت و نرزوری نا بے مٹ ءُ درور اس قائم کرے ، قوم تینا شہید و اونا خاہوت نا لمہ وطن کن قربانی تے اسُل است آن دپک۔ پنچ شنبے نادے آ پی ایم آفس نا میڈیا ونگ آن جاری بیان نا رداٹ تینا کلہو اٹی وزیراعظم پارے کہ میجر محمد اکرم شہید نشان حیدر دشمن نا عددی برتری نا پرواہ ءِ کننگ آن بیدس اوفتا ڈٹ کر مقابلہ ءِ کرے۔ میجر محمد اکرم شہید فرض شناسی و وطن تون عہد وفا نا ہندن ءُ درور اس قائم کرے ہرا ورناچین کن قابل تقلید ءِ۔ وزیراعظم پارے کہ کنتون اوار مچ آ قوم ءِ پاک فوج انا شہید و اوفتا خاہوت آ گمر ءِ۔ وطن نا خاطر تینا جون تے ندر کروک آ وطن نا عظیم مارتیکن مچ آ قوم انا عقیدت نا جوزہ غاک ءُ۔ وزیراعظم پارے کہ پاکستانی قوم تینا شہید و اوفتا خاہوت نا وطن نا دفاع کن تروک آ قربانی تے اسُل است آن دپک۔
