راولپنڈی۔ 04 دسمبر (اے پی پی) چیئرمین جوائنٹ چیفس آف اسٹاف کمیٹی جنرل ساحر شمشاد مرزا عراق نا دورہ ٹی وزیراعظم محمدشیاع السودانی، وزیر دفاع ثابت محمد سعید العباسی ، وزیرداخلہ عبدالامیر الشمری و چیف آف ڈیفنس فورسز جنرل عبدالامیر رشیدیاراللہ تون اوڑدہی کرے۔ آئی ایس پی آر نا رداٹ دااوڑدہی تیٹی ہڑتوم آکنڈآن تین پہ تینی است خواہی نا امور تیا گپ وتران کننگا، ہرافتے ٹی سیکورٹی، دفاعی کمکاری و ساڑی آ علاقائی چاگڑد اوار ءُ۔ فریق آک ہڑتوم آکنڈآتا فوجی کمکاریءِ ودفنگ نا وڑوڈول آتاجاچ ءِ ہلکر و دفاعی تعلقداری تے سوگو کننگ نا عزم انا درشانی ءِ کریر۔ عراقی سول و عسکری سرکڑدہ غاک پاکستانی سلہہ بند فوج انا کسبی لائخی تا ستاءِ کریرو دہشت گردی نا برخلاف جنگ اٹی اوفتا قربانی تے امنا کریر۔داکان مست عراق سلہہ بند فوج انا ہیڈکوارٹر آ سرمننگ آ چیئرمین جوائنٹ چیفس آف اسٹاف کمیٹی ءِ اسہ چاق و چوبند فوجی دستہ اس گارڈآف آنر پیش کرے۔
