چیئرمین کرکٹ بورڈ محسن نقوی نا دورہ ءِ قذافی اسٹیڈیم، برجا پوسکن تفنگ نا کاریم تا جاچ ءِ ہلک

اسلام آباد۔ 04 دسمبر (اے پی پی) چیئرمین پاکستان کرکٹ بورڈ محسن نقوی قذافی اسٹیڈیم اٹی برجا پوسکن تفنگ نا کاریم تا جاچ ءِ ہلنگ کن اناگت دورہ ءِ کرے، 53دے اٹی اسٹیڈیم نا جم وڑاٹ 80 درسد کاریم ءِ پورو کننگا ہراٹی مین بلڈنگ نا گرے اسٹرکچر 100 درسد، پویلین 90 درسد وخت اس کہ انکلوژرز نا تعمیراتی کاریم 75 درسد پورو مسنے۔ محسن نقوی ءِ پاننگاکہ نشست آتیکن سٹرکچر ناتفنگ و خندق نا کاریم آخیریکو ریسہ غاتیٹی ءُ، چیئرمین نشست آتیکن تفوک ا نگا آخیریکو اسٹرکچر آ ہنا و آخیریکو نشست آتیان گراؤنڈنا پوسکن آویونا ستاءِ کرے۔ چیئرمین پی سی بی پویلین نا فلورز آ ہنا و برجاتعمیراتی سرجزآتا مشاہدہ ءِ کرے و خندق ناہڑتوم آ کنڈ دیدہ زیب گرل خلنگ نا پارت کرے۔ اوقذافی اسٹیڈیم نا پوسکن تفنگ نا کاریم آ مروک آ پیش رفت آ است جمی نا درشانی ءِ کرے۔ محسن نقوی نا پاننگ ئس کہ 10 اکتوبر آ قذافی اسٹیڈیم نا پوسکن تفنگ نا کاریم نا باقاعدہ بناءِ کننگا، الحمداللہ 53 دےاٹی بے کچ ترندی و بڑزکو آب اتون اوار کاریم کننگا، مچ آ ٹیم جانفشانی اٹ دے و نن کاریم کننگ ءِ۔ اوپارے کہ چیمپیئنز ٹرافی ٹورنامنٹ آن مست پروجیکٹ ءِ پورو کینہ، پورو اسٹیڈیم اسٹیٹ آف دی آرٹ و جہانی آب انا جوڑ کننگ انگ ءِ، پوسکن آ اسٹیڈیم اٹی کم و ود 34 ہزار شونقی تا میچ ءِ ہُننگ نا گنجائشت مریک۔ چیف آپریٹنگ آفیسر پی سی بی سمیر احمد، ڈائریکٹر انفراسٹرکچر، ایف ڈبلیو و نیسپاک نا تعلقدار کمامدارآک ہم داوخت آ ساڑی ئسر۔