ریاض۔3دسمبر (اے پی پی): مزن وزیر محمد شہباز شریف سعودی عرب ءَ وتی دو روچی تر ءُ تاب ءَ شتگ۔ سئے شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ ریاض ءِ ڈپٹی گورنر شہزادہ محمد بن عبدالرحمن بن عبدالعزیز ءَ کنگ خالد انٹرنیشنل بالی پٹ ءَ مزن وزیر ءَ را وش اتک کتگ۔ اے موہ ءِ سر ءَ سعودی عرب ءَ پاکستان ءِ سفیر احمد فاروق ، پاکستانی ءُ سعودی اگدہ دار ھم ساڑی ات ۔ بنجاھی وزیر اھوالکاری عطا اللہ تارڑ ءُ مزن وزیر ءِ ھاسیں کمکار طارق فاطمی ھم آئی ءِ ھمراہ اَنت۔ مزن وزیر سعودی عرب، فرانس، قزاقستان ءُ ورلڈ بینک ءِ کمک ءَ برجم داشتگیں یک آپ ءِ سروک دیوان ءَ ھم بھر زوری کنت ءُ گشتانک دنت۔
