اسلام آباد۔3دسمبر (اے پی پی): بنجاھی وزیر اھوالکاری، نشریات، راجی ورثہ ءُ دود ءُ ربیدگ عطا اللہ تارڑ ءَ گشتگ کہ تحریک کشاں چیل وتی ناکامی ءُ بزدلی ءِ مٹ کنگ ءِ ھاتر ءَ تیرگواری ءِ دروگیں بیانیہ جوڑ کنگ ءَ انت کس ہچ وڑیں ثبوت پیش کنگ ءَ سوبین نہ بوتگ، اے ھما مردم اَنت کہ دروگ ءِ سر ءَ ریاست ءِ نام ءَ بدنام کن اَنت، وت ماں وت جنگ کنگ ءَ اَنت، پہ وتی ننگ ءِ چیر دیگ ءَ لاشانی سر ءَ سیاست کنگ ءَ اَنت، اے لاش اَنت ٹاک، فیس بک، واٹس ایپ ءِ سر ءَ گند ءُ نند کن اِت۔ مہنگائی 70ماہ ءِ کم ترین کچ ءَ سر بوتگ، اسٹاک مارکیٹ یک لکھ ءِ نشان ءَ چہ گیش بوتگ، مہنگائی 4.8درسد حکومت ءُ مزن وزیر ءِ محنت ءِ آسر اِنت۔ سئے شمبے ءِ روچ ءَ ھاسیں سیاسی ءُ اقتصادی جیڈھ آنی سر ءَ تران کنان ءَ بنجاھی وزیر ءِ اھوالکاری ءَ گوشت کہ افراط زر 70ماھ ءِ کم ترین تک ءَ اتکگ کہ اے گپ ءِ ثبوت اِنت کہ مئے معیشت دیمروئی کنگ ءَ اِنت، درملکی زرّ ءِ ذخیرہ 11ارب ڈالر ءَ چہ گیش بوتگ اَنت۔ ، صارفین ءِ قیمت ءِ انڈیکس ہر ماہ ءِ تہا جہل بوہگ ءَ انت، اسٹاک مارکیٹ ءَ 100،000 پوائنٹ ءِ نشان ءَ چہ ٹپ اتگ، سود ءِ شرح 15 درسد ءُ (کیبور) 13 درسد ءَ اتکگ۔ کمیں سود ءِ سبب ءَ ملک ءَ سرمایہ کاری ءَ را گیش کنگ بوھگ ءَ اِنت۔ بنجاھی وزیر ءَ گوشت کہ مزن وزیر محمد شہباز شریف ءِ محنت ءُ کوشست آنی سبب ءَ مہنگائی ءِ تہ ءَ کمی اتکگ اگاں اے جیڈھ ءَ را سنجیدگی ءَ گوں چارگ نہ بوت گڈا ملک ءِ واستہ ڈیفالٹ ءَ چہ بچگ ممکن نہ بوتگ۔ آئی ءَ گوشت کہ یک سیاسی گلے ءَ آئی ایم ایف ءَ را نمدی نبشتہ کتگ ءُ ملک ءَ را ڈیفالٹ کنگ ءِ کوشست کتگ۔ گشت ئِے کہ الحمداللہ! مرچی افراط زر 4.8% اِنت، سود ءِ شرح 15% اِنت، زرّ ءِ دیم دیگ 8.8 ارب ڈالر اِنت، زرّ ءِ ذخیرہ 11 ارب ڈالر ءَ سر بوتگ، دیمروئی برجاہ اِنت، اسٹاک ایکسچینج ءَ 100 ہزار پوائنٹ ءِ کچ ءَ چہ ٹپّ اِتگ ءُ درستیں ریکارڈ ٹُکّ اِتگ اَنت۔ کہ معیشت ءَ دیمروئی کتگ انشاللہ معیشت ءِ دیمروئی ءَ گیش گہتری کیت۔ وزیر اھوالکاری عطا اللہ تارڑ ءَ گشتگ کہ تحریک عنترہ تیر گواری ءِ دروگیں بیانیہ جوڑ کنگ ءَ انت، تحریک عنترہ ھرچ ثبوت پیش بہ کنت کہ آئی ءِ تہا قانون نافذ کنوکیں ادارہانی افسر تیرگواری ءَ گندگ بہ بیت۔ ایشانی گور ءَ یک ویڈیو ثبوتے ھم نیست، ھچ وڑیں واقعہ نیست کہ آ ایشانی بابت ءَ ھچ وڑیں ثبوت پیش بہ کن اَنت۔ آئی ءَ گوشت کہ یک مردمے ءِ شُتگیں ویڈیو پدر بوتگ کہ آئی ءِ تہ ءَ آ گْوشگ ءَ اِنت کہ تیرگواری کنگ بوھگ ءَ اِنت ءُ ھمے وھد ءَ آ گْوشگ ءَ اِنت کہ من ءَ تیر گواری بوتگ، اگاں چوشیں سنسیشن شنگ بہ بیت گڑا ویڈیو وائرل بیت In the… دومی ویڈیو آ گشیت کہ منی دست ٹپّ اِنت، آ وتی دست ءِ پٹی ءَ کشّیت ءُ ھچ ٹپّ گندگ نہ بیت، اے ھما مردم اَنت کہ دروگ ءِ سر ءَ ریاست ءَ بدنام کن اَنت۔ بنجاھی وزیر ءَ گشتگ کہ پی ٹی آئی لاشانی بابت ءَ دروگ شنگ کنگ ءَ انت، دروگیں بیانیہ شنگ کنگ بوہگ ءَ انت، لھتے گشگ ءَ انت کہ 4000 لاش انت، لھتے 400 ءِ گپ ءَ انت ءُ لھتے 60 لاش ءِ گپ ءَ انت لطیف خوسہ ءَ گشتگ کہ بازیں لاش است انت۔ وتی لوگ ءَ تحریک انصاف ءِ چیئرمین بیرسٹر گوہر ءَ گشتگ کہ ہرچی رد انت، 12 لاش انت، قوم ءِ سرا چے پیمیں مذاق کنگ بوہگ ءَ انت۔ یک لاشے ھم نہ بوتگ، اگاں دیم ءَ اتکگ ات گڑا اے لاش ٹک ٹاک، فیس بک، ایکس، واٹس ایپ ءَ گندگ بنت۔ آئی ءَ گوشت کہ قوم ءِ گوما جوک کنگ بوھگ ءَ انت، قوم ءِ بد بھتی انت کہ انچیں مردم سیاسی پارٹی جوڑ کن انت کہ آھانی تہ ءَ عقل ءُ سما نیست انت ۔ وزیر ءِ اھوالکاری ءَ گشتگ کہ چار پولیس کارندہ ءُ رینجرز شہید بوتگ انت، کس ءَ آہانی کھول ءِ گوما ہمدردی نہ کتگ۔ آئی ءَ گْوشتگ کہ آ سیکورٹی ءُ پولیس ءِ مردماں نشانگ جوڑ کن اَنت، پد ءَ گریوگ ءَ اَنت کہ مئے لاش کپتگ اَنت۔ بنجاھی وزیر ءَ گوشت کہ تحریک انصاف نو فوجی آنی پارٹی انت ۔ یک مردمے tiktok جوڑ کنگ ءِ ھاترا کنٹینر ءِ سر ءَ چِست بوھگ ءَ نماز وانگ ءَ اِنت، پد ءَ گْوشگ بوت کہ آئی ءَ ایر جتگ، دروگیں پروپیگنڈا کنگ بوتگ کہ اے مردم کُشگ بوتگ، اے مردم ءِ ویڈیو ھم دیم ءَ اتکگ، اے منڈی بہاؤالدین ءِ نندوک اِنت .اے ایمن اِنت ءُ اِنت۔ آئی ءَ گْوشتگ کہ دگہ مردمے ویڈیو میسج ءِ تہ ءَ گْوشگ ءَ اِنت کہ آئی ءِ زھگ ءِ شھید کنگ ءِ دروگیں ھال شنگ کنگ بیتگ، آئی ءَ اے گپ رد کرتگ ءُ گْوشتگ کہ اے دروگیں ھال اِنت ءُ منی زھگ لوگ ءَ نشتگ۔ تحریک انصاف ءِ اے بیانیہ ءِ تہا ہچ وڑیں راستی نیست انت۔ فدرال وزیر ءَ گْوشتگ کہ دگنیا ءِ ھرچ ملکے ءَ زھرشانی کنوکاں گوں کلاشنکوف، زھرشانی، ڈنّی، سنگ، دستی بم، سٹن گن، ءُ اشک کشیں گاز ءَ سلاہ بندیں زھرشانی کنگ ءِ اجازت اِنت؟ آئی ءَ گوشت کہ اے پی ٹی آئی ءِ پرامن زھرشانی نہ بوتگ، اے یک سلاہ بندیں گلے بوتگ کہ آ ادا طوفان کنگ لوٹگ ءَ انت، آھانی سیاسی نزوری ایش انت کہ آھانی ھمراھی ءَ مردم نیست انت، آ بدحالی ءَ ناکام بوتگ انت ءُ نوں آ وت ءَ شرمندگ انت لاشانی پُشت ءَ شُتگ انت۔ پُھل کنغ ئا وزیر ءِ اھوالکاری ءَ گْوشتگ کہ آ انگت وت ماں وت جنگ ءَ اَنت، شش ءُ ھپت گل جوڑ کتگ اَنت۔ آئی ءَ گْوشت کہ بیرسٹر سیف ءَ منی پریس کانفرنس ءِ پسو ءَ گپ جتگ من آئی ءَ را گْوش آں کہ تو چپ ءُ چاگرد کن ئے بازیں گپ ھست کہ من ءُ تو زانیں ترجمان نہ بنت۔
