اسلام آباد۔3دسمبر (اے پی پی): مزن وزیر محمد شہبا ز شریف سئے شمبے ءِ روچءَ دوروچی ترءُ تاب ءَ سعودی عرب ءَ رھادگ بوتگ۔ مزن وزیر کارگس ءِ میڈیا ونگءِ نیمگءَ چہ شنگ بوتگیں بیان ءِردءَ مزن وزیر محمد شہباز شریف ساپیں آپ ءُ آپ ءِ رکینگ ءِ حوالگءَ ریاض ءَ برجم داشتگیں ون واٹر سروکی دیوان (One Water Summit) ءَ ہوار بیت۔ سعودی عرب، فرانس، قازقستانءُ میاں اوستمانی بینک ءِ شریداری ءَ چہ برجم داشتگیں ون۔ واٹر سروکی دیوان ءِ مولءُ مراد میاں اوستمانی تکءَ میاں اوستمانی کمک ءُ مزن تک ءِ سیاسی جزم ءِ وسیلگءَ آپی مُچ کنگءِ جوانیں چِنءُ لانچ ءُ رکینگءَ را الم کنگ ایں۔ مزن وزیر سروکی دیوان ءِ تہا ساپیں آپ ءِ مُچ کنگ ءِ بحالی، رکینگ ءُ اے حوالگءَ چہ جدت ءِ سرحال ءِ سرءَ تران ہم کنت۔ مزن وزیر ماحولیاتی مٹءُ بدلی ءِ سوبءَ آیوکیں ھار، موسم آنی تہا بہ وہدیں مٹءُ بدلی ءُ گیش بوتگیں درجہ حرارت ءِ آپی ذخائر ءُ آپی جناورانی سرءَ ہم اثرآناں گرءُ دار کنگء ِ ھاترءَ میاں اوستمانی کمک ءِ ارزشت ءِ سرءَ چمشانک ہم داتگ۔ مزن وزیر میاں اوستمانی براتی ءَ را آپی آسراتی ءِ پائیدار ءُ گہتریں بندوبست کنگءِ ھاترءَ گامگیجانی دعوت دنت۔ اے موہءَ مزن وزیرءِ سروکی دیوانءَ ہوار میاں اوستمانی راہشوناں گوں گندءُ نندہم بوتگ کنت۔ حالءُ اھیوال کاری ءُ شنگکاری ءِ بنجاہی وزیر عطاء اللہ تارڑ ءُ مزن وزیرءِ حاسیں کمک کار طارق فاطمی ہم مزن وزیرءِ ہمراہ بوتگ۔
