پاکستان ءِ سلاہ بندیں فوج درائیں ھترہ آنی حلاپ ءَ ماتیں وطن ءِ دمگی سلامتی ءُ وت واجہی ءِ رکینگ ءِ ھاترءَ ساڑی اَنت، سید عاصم منیر

راولپنڈی۔3دسمبر (اے پی پی):پاک فوج ءِ سروک جنرل سید عاصم منیرءَ گشتگ کہ پاکستان ءِ سلاہ بندیں فوج، راج ءِ ہمراہ داری ءِ گوما، درائیں ھترہ آنی حلاپءَ ماتیں وطن ءِ دمگی سلامتی ءُ وت واجہی ءِ رکینگ ءِ ھاترءَ ساڑی ایں۔ آئی ایس پی آر ءِ ردءَ آرمی چیف نارووال ءُ سیالکوٹ ءَ فیلڈ مشق ءِ ترءُ تاب ءِ تہا تران کنان ءَ کتگ۔ آرمی چیف ءَ را مشق ءِ مولءُ مراد ءُ برجمی ءِ ہوالگءَ شونست دئیگ بوتگ، آئی ءِ مولءُمراد کسبی زانت کاری ءُ جنگءِ میدان ءِ رھبنداناں گہتر کنگ بوتگ کہ آپریشنل جیڑہ ءُ جنجالاناں گرءُ دار کنگءِ ھاترءَ المی اَنت۔ مشق ءِ تہا آرمر، انفنٹری، میکانائزڈ انفنٹری، آرٹلری، ایئر ڈیفنس، آرمی ایوی ایشن ءُ اینٹی ٹینک گائیڈڈ میزائل یونٹس ءِ نیمگءَ چہ یکجاہی فائر ءُ مینیوور آپریشن کنگ بوتگ۔ اے مشق ءِ تہا جنگی جنگی زانت کاری ءُ معلوم داری آپریشن آنی اثر مندیں کارمرزی ہم کنگ بوتگ۔ آرمی چیف ءَ سرجمیں روچ ءَ فوجی آنی گوما جنگءِ میدان ءَ گوازینتگ، آیانی تربیتی معیار، آپریشنل تیاری ءُ مزنیں حوصلہ آناں ساڑاتگ۔ باسکانی گوما وتی گپءُتران ءِ تہا آئیءَ ڈنی زوراکانی نیمگءَ جوڑ کتگیں ھترہ آنی مقابلہ کنگءِ ھاترءَ پکہ ایں تیاری ءَ را برجم دارگءَ حاسیں ارزشتءِ سرءَ زور پِر داتگ۔ ایشی ءَ چہ پیسر مشق ءِ دمگ ءَ سربوھگءَ کمانڈر گوجرانوالہ کور ءُ انسپکٹر جنرل آف ٹریننگ اینڈ ایویلیوایشن ءَ آرمی چیفءَ را وش اَتک کتگ۔