اسلام آباد۔3دسمبر (اے پی پی):مزن وزیر محمد شہباز شریف ءَ گوشت کہ الس ءِ وشھالی ءِ ھوالگ ءَ کانود سازی ءِ تہ ءَ سینیٹ ءِ کرد سک باز المی اِنت، راجی یکوئی ءُ صوبائی یکوئی ءِ تہ ءَ ایوان بالادستا متحرک کرد پیلو کنگ ءَ اِنت۔ مزن وزیر ءِ نیمگ ءَ جاڑی بوتگیں بیان ءِ رد ءَ ڈپٹی چیئرمین سینیٹ سیادل خان ءَ مزن وزیر ءَ گوں گند ءُ نند کت اے موہ ءِ سر ءَ مزن وزیر ءَ گوشت کہ السی گہبود ءِ ھوالگ ءَ کانود سازی ءِ تہ ءَ سینیٹ ءِ کرد سک باز المی اِنت، ایوان بالا ءِ راجی یکوئی ءُ صوبائی ہم آہنگی ءِ تہا جوانیں کرد پیلو کنگ ءَ ایں۔گندءُ نندءِ تہا ملک ءِ سرجمیں ءُ سیاسی جاورھالانی سرءَ ھیالءُ لیکہ ءِ درشانی کنگ بوتگ۔ سینیٹءِ ڈپٹی چیئرمین ءَ ملکی معیشت ءِ بحالی ءِ حوالگءَ حکومت ءِ کوشستاناں ساڑاتگ۔ سینیٹءِ ڈپٹی چیئرمین ءَ صوبہ بلوچستان ءِ دیمروئی ءُ وشھالی ءِ حوالگءَ مزن وزیر ءِ گامگیجاناں ساڑاتگ۔
